Na kaukauwa vuni ena loma ni qara VILIAME RAVAI | Monday, July 11, 2016

E dua na volavola esa tu makawa sara ena loma ni qara ka ra tukuna na qase ni Nabukeru ni oya e dua na volavola vaka Viti makawa ka ra sega ni kila na kena i balebale.Veitaba: VILIAME RAVAI
E dua na volavola esa tu makawa sara ena loma ni qara ka ra tukuna na qase ni Nabukeru ni oya e dua na volavola vaka Viti makawa ka ra sega ni kila na kena i balebale.Veitaba: VILIAME RAVAI

E VUNITAKI na i tukutuku dina me baleta na qara ka vakatokai tiko me ko Sawailau ka ni vunitaki tiko e loma na keda i vola na kawa i Taukei ka sa na tekivu me cegai tiko yani vakamalua ena dua na gauna lekaleka mai qo.

E vakaraitaka ko Mosese Liolevu e dua na turaga ni Tamusua mai Yasawa ni vunitaki na i tukutuku dina se na yaca dina ni qara ka ra dau ciciva tiko vovoleka me veisiga ena veimacawa na vulagi saravanua ka ni vavani no kina e dua na i tukutuku bibi me baleti Viti.

?Au sa na tekivu me?u dolava na dina ni qara qo kei na ka vuni dina e tiko e loma ka yadravi tiko vakamatau,? e kaya ko Liolevu.

E tukuna na turaga ni Tamusua qo ni ratou a vakadewataka sobu ga mai na i tukutuku ko ira na nodratou qase ni yaca dina ni qara qo na Quaquare-vola ka kena i balebaleba ni qara ni kaukauwa ka rawa talega ni tukuni ni qara ni vola.

?Na vanua e dabe tiko kina na qara oya e yacana o Vola ka sega ni ko Sawailau me vaka eda sa kila levu tu nikua ko Sawailau,? e kaya ko Liolevu.

E vakaraitaka na turaga yabaki 49 qo ni yasa ni yanuyanu ka rai mai vaka ki Lautoka e yacana ko Sawailau, ia na yasana e qara cake vaka ki Tamusua kei Nabukeru e yacana ko Vola.

?Me?u sa na sereka yani vei keda na lewe i Viti me rawa ni ra kila ni i tukutuku se na kaukauwa era vakasaqara mai oqo na kai valagi sai koya na kaukauwa e tiko ena loma ni qara oya nai vola se na keda i vola na kawa i Taukei,? e kaya ko Liolevu.

E tukuna ko Liolevu ni tukutuku oqo e na kauti keda lesu tale e na nodra a soko mai na Vuda ka mai lutu koto ena dua na vanua e Yasawa na kato ni mana ka tukuni ni tiko kina nai vola se kato ni vosa.

?Ia, e dina taucoko nai talanoa oya me baleti ira na noda qase ka ni a mai lutu dina e na Yatu Yasawa na kato ni mana qo se kato vatu ka sa na cereki tiko yani vakamalua mo ni kila ni sa tiko vei au e na gauna qo,? e kaya o Liolevu.

E tukuna o Liolevu ni dua na sere e ratou a lagata na Caucau ni Delaiseatura me baleti ira na Vuda ka vaka koto oqo na qaqana,

Nai vola e lutu kato e loma ni kato vatu- e viavia vaka toka oya na qaqa na.

E tukuna o Liolevu ni a mai masulaki na qara oya e na vica na yabaki sa oti ka laurai ni vola oya ea dabe tiko ena loma ni tobu ena loma ni qara ka dregati tu vakamatau ka laurai vata kei na vei mataqali vatu talei ka kunei talega ni levu tale na qara e tiko e na yanuyanu qo o Vola.

?Na i tukutuku oqo esa kena lewa me sa na sereki yani me ra kila na lewei Viti ni sa tiko vei keitou nai vola ka a lutu e na nodra gole mai na Vuda ka sa kena gauna me na cegai yani vakamalua,? e kaya o Liolevu.

Na turaga qo o Liolevu e cavutu mai na Tokatoka o Ketenasau e na mataqali ko Rakirakito e na yavusa i Natubasa e na koro ko Tamusua ka vakaraitaka ni ra a bulu no e na yasa ni qara oya o ira na nodratou qase ka dua vei ira na bulu koto e kea ko Senitiki Namulo na nodratou qase.

Ena qai tomani tale yani.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.