Dabedabe caka ga e vale VILIAME RAVAI | Monday, February 13, 2017

E LEVU sara na i yaya ni vale e rawa ni caka mai na vatavata ni yaya lelevu ka ra dau vakau mai vanua tani. Ia, e dua gona vei ira na i yaya oqo na dabedabe ni loma ni vale se ena vanua ni vakacagicagi e tautuba.

Vei keda na lewei Viti eda sa raica tiko na levu ni i lavo eda vakayagataka ena kena voli nai yaya ni loma ni vale ena veisitoa lelevu ni volitaki i yaya ni vale ena noda vanua.

E rawa ni da vakayagataka sara e udolu na dola ena noda volia na noda i yaya sau lelevu ena kena veisitoa. Ia, e vakaraitaka na Nai Lalakai ni rawa ni da cakava ga na noda i dabedabe ena noda veivale ena noda kumukumuna vata ga mai na i vatavata ni yaya (pallets) mai na veisitoa lelevu ka ra sa biu tu e tautuba ka vakavodoka yani ki na nomu vale ka volia vata na i vako, vanisi kei na i boro.

Na nomu na tukia na nomu i dabedabe ena vakatau mai na mataqali dabedabe vakacava ko vinakata kei na kena i vakarau.

E lewe levu sara vei keda na tu voli e nakoro ko ni buta vinaka tu ena cakacaka vakamatai ka sa rawa talega ni ko ni vakabulabulataka cake na nomuni kila ni ta i yaya ni vale ena nomuni na cakava na nomuni dabedabe ni loma ni vale.

E na rawa ni ko ni digia na i boro cava ko ni taleitaka me boroi kina na nomuni  i  dabedabe. E rawa talega ni ko ni na qai volia na kena meteresi mai na kena sitoa kei na i kena i ubi ka qai mai cula vakamatau e vale.

Na kena i lokoloko kei na vanisi me rawa ni serau na kena i rairai. Ia, esa koto vata kei na i vakamacala oqo eso na dabedabe ka caka mai na vatavata ni yaya se na pallets.

Ena rawa sara ni ko ni na vakabula e dua na i lavo levu ena nomu rawa ni cakava na nomu  i dabedabe mai na vatavata ni iyaya se na pallets.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.