Vale maroroi e na colo UNAISI RATUBALAVU | Monday, February 13, 2017

OQO na i kuri ni nona cau o Viliame Gavoka, na lewe ni Palimedi ena vuku ni noda vukei tiko na i Taukei ena kena vakayagataki qele ka me rawa nida vukei kina ena veika vakailavo kei na vuravura ni bisinisi eda sa donuya tu ena gauna edaidai. Ni wiliwili sara yani.

E vakuri tiko na noda veitalanoa ena vakasama bibi me baleta na noda vakailavotaki na kawa i Taukei, me vaka nida bera sara tiko vakalevu.

E dua na tikina au raica tiko ka dodonu me vakavinakataki oya ena kena maketetaki na nodra i voli o ira na wekada ena veicolo ni noda vanua. Era tu ena loma ni colo na qele bulabula ka ganiti ira vinaka na vei tei eso, ia, e dredre na kedra kau mai ki na veimakete mera volitaki kina.

E Nadroga/Navosa, esa dabe tiko kina e dua na vale ni maroroi tei; tara vakamatau ka vakaiyaragitaki vakavinaka, oya e Vatumali, toka volekata na koro o Keiyasi. E vakatokai oqo me ?collection center? ka voli kina na nodra i tei o ira na wekai kemami ena vica na tikina ena colo kei Nadroga/Navosa. E dina ni se bera ni taucoko sara na i tuvatuva e kea, e sa veivuke sara tiko ka sa lailai na gole mai ki Sigatoka, se cicivaka na i voli ki na veimakete e Viti.

E nona na yasana na ?collection center?, ka solia vua e dua na kabani e kilai levu ena veivoli ena kakana teivaki ena noda vanua me cicivaka. Na kabani oqo e kila vinaka na veika me teivaki, kei na gauna cava, ka sa tu na veimakete e Viti kei vuravura me volivolitaki kina.

E ka e talei kina ni rawa na veiwekani vakabisinisi kei koya na kabani oqo kei ira na noda dauteitei. Ena retio yaloyalo e vakaraitaka tiko kina e dua na dauteitei mai Uluda, ni sa volia oti tu e dua na kabani na nona dalo e 2000 taucoko ka sa voleka ni matua. Oqo na veika e rawa ni rau bula kina vakakonitaraki e dua na dauteitei kei na kabani.

Na i tei kecega e rau duavata kina sa tu na veivakadeitaki ni na voli.

Ena rawa vinaka nai tuvatuva vakabisinisi oqo kevaka e tiko ena tikina koya e dua na ?collection center.?

Na i voli e rabailevu, me vaka na kareti, letisi, kaveti, tomata, sila kamikamica, meleni, papukeni, kei na kakana dina eso.

Ni sa dua na dauteitei e rua, se tolu, se va na nona eka na qele, sa rawa sara ga e kea na teivaki ni tei ka rawa ni tamusuki vakatolu ena dua na yabaki. Oqo e vurevure ni lavo vakaitamera sara, ka sa na tekivutaka talega na veiwekani kei na baqe, kevaka e sa tiko na konitaraki vei rau na dauteitei kei na kabani. Kivei keimami dau tei dovu, e sa dau rawa na dinau mai ena baqe ni sa teivaki oti na dovu, ka sa tu na konitaraki vata kei na FSC.

Ia, ena vukea kece na I tuvatuva kevaka e tiko e dua na ?collection center? ena noda veitikina ka levu kina na qele vinaka. Me vaka au sa dau kaya vakawasoma, me kakua ni dua e tu wale tu, ka liga lala ena noda dola ni yavu.

Oqo e dua na kena i tuvatuva e dodonu meda ciqoma ka vakayacora, vakayasana, vakamatanitu me vukei ira ena dela ni yavu.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.