Vukei na nasi ni koro UNAISI RATUBALAVU | Monday, February 13, 2017

E NAMAKI me ra sa na tekivu saumi na nasi ni koro ena yabaki ka tu mai, ke sa vakadonui ena tuvatuva ni lavo vakamatanitu ena yabaki ka tu mai.

Vakadeitaka na sasaga oqo na Vunivola Tudei ni Minisitiri Vakaitaukei, o Naipote Katonitabua.

Kevaka e sa na taudonu na veitalanoa kei na sasaga ni minisitiri e rua na Tabacakacaka i Taukei kei na Minisitiri ni Bula, ia era sa na tekivu saumi talega na nasi ni koro me vakataki ira na turaganikoro ena nodra saumi ena veiya vula tolu.

E vakamacalataka tiko mai o Katonitabua ni sa tiko talega ena nodra vuli ka vakamatanitutaki na Nasi ni Koro, ka vakavotukanataki na kena mai toqai na veidinadinati (Memorandum of Understanding) e na i ka 15 ni Tiseba, 2016.

E kuria ni sa via vaqaqacotaka na tabana ni veiqaravi oqo na Tabacakacaka iTaukei.

?E na nodrau mai toqa na Turaga Minisita kei na Vunivola Tudei ni Minisitiri e rua, Tabacakacaka i Taukei kei na Tabana ni Bula na veidinadinati oqo, e sa mai cega tale e dua na drau ni veva vou e na nodra veiqaravi ka se vakatekivu mai na sasaga oqo e na 1978.

?Oqo talega na yabaki ka mai tauyavu kina na nodra veiqaravi na nasi ni koro e na noda vanua.

?Sa mai yacadra vou oqo na Community Health Workers (CHW) ka sa nona i tavi na Tabana ni Bula na nodra tuberi vakavuli e na vuku ni nodra i tavi ka me nona i tavi na Tabacakacaka i Taukei na nodra yadravi kei na veisaumi me vaka ga na turaganikoro.

?E sa na biu talega me i vukevuke nei turaganikoro ka sa na veivuke talega e na vuku ni kena qaravi na tiko bulabula kei na veitukutuku se ripote e so e gadrevi me baleta na koro.

?E sa vakanamata tiko na Tabacakacaka e na kena kerei ki na Tabana Vakailavo ni Matanitu na kedra i sau e na yabaki vakailavo ka tu mai,? e vakamacalataka mai o Katonitabua.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.