Veikalawaci UNAISI RATUBALAVU | Monday, February 13, 2017

ERA CIBI... Vakasakiti na veitokoni vei iratou na timi le yavitu ni Viti ena mua ni macawa me vaka e vakadinadinataki ena qito siga rua ka ratou mai rawata kina na veleti na noda mata timi. Veitaba: JONACANI LALAKOBAU
ERA CIBI... Vakasakiti na veitokoni vei iratou na timi le yavitu ni Viti ena mua ni macawa me vaka e vakadinadinataki ena qito siga rua ka ratou mai rawata kina na veleti na noda mata timi. Veitaba: JONACANI LALAKOBAU

E LEVU na leqa e dau basika ka raica rawa na Tabacakacaka i Taukei ni vakavuna tiko oya na kena dau kalawaci na katuba e dodonu me curumi ena vuku ni kena veitalanoataki na i tutu vakavanua.

Oqori e dua na tamo ni nona vosa ena walesi na i Liuliu ni Veitarogi Vanua, Ratu Vananalagi Vesikula, ena Siga Tabu sa oti.

E kaya tiko ena nodratou porokaramu ni Tabacakacaka i Taukei, ni qai dau laurai tiko na malumalumu oqo, ni oti na kena vakayacori na veitalanoa mai vei iratou na i vakailesilesi ni Veitarogi Vanua.

E kaya ni sa lutu sobu talega na i wiliwili ni kisi ni veileti ena i tutu vakavanua ka tu sara ena 28 ena yabaki 2011.

?Na cakacaka ni veivakararamataki kei na veitalanoa e dau vakayacori, e vaka me qai veivuke sara ena kena wali mai na leqa oqo,? e kaya o Ratu Vananalagi.

?Na veitalanoataki ni tutu vakavanua e sega ni oka kina na i tuvatuva e koto ni vinakati na veivakatoroicaketaki ka vinakati kina e 60 na pasede na lewe ni dua na mataqali se yavusa me vakayacora na veivakadonui.

?Na i tutu vakavanua e drodrova ga mai na dra kei na kawa.

?E sega tale ni dua na yavu, e rawa ni digitaki kina e dua ki na i tutu vakavanua,? e kuria o Ratu Vananalagi. E kaya talega ni gauna e ciqomi kina e dua na i tukutuku ni veileti, e dau veisiko rawa e liu na valenivolavola ni Veitarogi Vanua.

?Ni sa laurai ni sa sega ni rau duavata na rua na i to, sa qai dau caka na kena gacagaca kece ni veiqaravi vakalawa, ka biu ena ivola tabaki ni matanitu se na gazette ni bera ni qai dau wali na veileti mai na valenivolavola ni Veitarogi Vanua,? e kaya.

E vakadeitaka talega o Ratu Vananalagi ni veiletitaki ni yalayala ni qele, era sa dau vakasalataki ga na i Taukei me ra na dau sauma ga e dua na soveya ena kena rawa ni vakadeitaki na i yalayala ni qele.

Esa veivakauqeti talega o Ratu Vananalagi ni ka bibi mera na kila vinaka tiko na nodra i yalayala ni qele, kei na yaca ni veivanua eso na tiko mai delaniyavu me rawa ni vakarawarawataka na veiqaravi ena tikina oqo.

?Keitou sa tu vakarau ena kena dau vakamatatataki yani vei kemuni na lewenivanua e dua na ka e sega ni matata tu, se dua na ituvatuva ko ni vinakata me na laki vakararamataki yani ena nomuni koro se i tikotiko,? e kaya o Ratu Vananalagi.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.