Marau o Baber VILIAME RAVAI | Tuesday, April 18, 2017

E MARAUTAKA ko Gareth Baber na dauniveivakatavulici ni timi ni Vodafone Fiji 7s na nodratou sa mai rawa ni qaqa ena sotasota ni Hong Kong 7s vei Sauca Aferika ena macawa sa oti.

E ratou tabaka rawa e va na sikoa na jabeni ni Olympics ka ratou sega ni tabaka rawa e dua na sikoa na cauravou ni Aferika. Ia, esa mai lade ena i karua ni tutu ena vatavata ni poidi ena HSBC World Rugby Sevens Series na timi ni Viti me taravi Aferika ka sa mai ka tolu na Rosi damu ni Igiladi.

E vakavinavinakataki Ben Ryan (na dauveivakatavulici e liu ni timi n Viti) ko Baber ena nona veituberi taumada vei ratou na noda cauravou ka mai tomana cake na veisusu oqo ena nodra biu vata na cauravou kei na i walewale ni qito e vakavulici vei ira me ra muria ena gauna ni qito.

Na timi ni Viti ena liutaka tiko na Tobu A e na nodrau na sota tiko kina kei na timi ni Hong Kong ni oti na 4 ena 52 na miniti (4:52 pm) ena yakavi ni Vakarauwai, tarava na sota kei Rusia ni oti na 7 ena 50 na miniti (7:50pm) kei nai otioti ni nona qito ena sota tiko kei na timi ni Canada ni oti na 12 ena 6 na miniti (12:06am) ena Siga Tabu.

Na kota fainala ni bilo ena tekivutaki tiko ni oti na 4 ena 30 na miniti (4:30pm) ena yakavi ni Siga Tabu, semi fainala ni oti na 9 ena 10 na miniti (9:10pm) kei na fainala ni oti na 12 ena 20 na miniti (12:20am) ena mataka ni Moniti.

Na timi ni Sauca Aferika ena liutaka tiko na Tobu B ka na sota tiko kina kei na timi ni Igiladi, Varanise kei na timi ni Japani. Na timi ni Ositerelia ena liutaka tiko na Tobu C ka na sota tiko kina kei na timi ni Argentina, Kenya kei Samoa, ia na timi ni Amerika ena sota tiko kei na timi ni Niu Siladi, Sikoteladi kei Welesi ena Tobu D.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.