Toso cake o Sevu VILIAME RAVAI | Tuesday, April 18, 2017

E VAKACAUCAUTAKI Sevuloni Mocenacagi ko Gareth Baber na dauniveivakatavulici ni timi ni Vodafone Fiji 7s ka tukuna ni toso cake tale na kaukauwa ni nona qito mai Hong Kong.

E tukuna o Baber ni cauravou gone o Mocenacagi ka sa vulica tiko na veika e dodonu me cakava ena loma ni rara ka sega ni vakacalaka na nona digitaki ena timi.

E kuria o Baber ni a curu ena timi ena yabaki sa oti ka sega soti sara tiko ni vakaqitori. E kaya ni cauravou balavu ka rawa ni rawata e levu na polo ena gauna ni caqe vou ka dau cicivaka talega vakavinaka na polo ena gauna ni kaba koro.

E vakadeitaka o Baber ni vinakata me vakaqitora na mataqali cauravou me vakataki Mocenacagi ka ni levu ka kaukauwa ia e tiko talega vua na totolo.

E tomana o Baber ni levu era sega tiko ni kila rawa na kaukauwa ni nona dau qito o Mocenacagi kei na nona dau basuka nai lati ni tataqomaki, e kuria ni oya na mataqali dauqito e vinakata o koya ena loma ni timi ni Viti.

E kaya ni cauravou dauqito e vakayacora oti na veivesu ka tucake take me tokona na vo ni lewe ni timi oya na dauqito e taleitaka vakalevu me vaka e raica tiko vei Mocenacagi.

E kuria o Baber ni a dau veisosomitaki o Mocenacagi ena gauna ni qito vakatobu, ia ni yaco mai na qito ena kota fainala me yacova na semi kei na fainala ea vakaqitori e liu o koya ka laurai votu na kaukauwa e tiko vua ena gauna ni qito.

Ia, ena gauna qo e ratou sa veisosomitaki ko Lemeki Tulele na kavetani ni timi ni First Light Taveuni ki na timi ni Viti ena kena sa laurai na mavoa vei iratou e lewe tolu na noda cauravou.

E ratou sa mavoa ko Apisai Domolailai, Vatemo Ravouvou kei Joeli Lutumailagi ka ratou sa na lesu tale mai ki Viti, ia na vo ni cauravou e ratou sa gole sara ki Sigapoa ena vuku ni qito ena mua ni macawa qo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.