Sa dei na qito ni Chiefs VILIAME RAVAI | Tuesday, April 18, 2017

ESA vo ga qo e lima na macawa me rau na sota kina na timi ni Chiefs kei na Crusaders ena rara na ANZ Stadium ka rau sa mai cakava na kena vakadikevi na i tuvaki ni rara ko Cathy Newman na Chiefs marketing manager kei Vanessa Parker operations manager ni bera tiko na qito ena vula o Me.

E rau mai veitalanoa kei Litiana Loabuka na daunilewa ni Fiji Sports Council kei John O'Connor na daunilewa ni valenivolavola ni rakavi unioni ni noda vanua (Fiji Rugby Union) ena laurai na veika vakamatailalai e dodonu me vakayacori ni bera na siga ni qito.

Ia, e tukuna o Vanessa Parker ni marautaka na taucoko ni tuvaki ni rara ni qito ena ANZ Stadium ni oti na nona dikeva na rara kei na vale ni sarasara.

E kuria o Parker ni nuitaka ni na laveta cake na i vakarau ni veivakamarautaki e Viti na nodrau na mai qito na timi e rua.

Ia, e tukuna o Loabuka ni dodonu vei ira na vinakata me ra sarava na qito qo me ra volia rawa an nodra tikite ka me kua ni qai dredre na nodra voli tikite ena siga ni qito.

E rau na sota tiko na timi ni Chiefs kei na Crusaders ena i ka 19 ni Me ena ANZ Stadium. Na tikite e rawa ni voli ena valenivolavola ni Fiji Sports Council kei na monalivaliva na www.ticketdirect.com.fj.

E rau na sota tiko na Chiefs kei na Cheetahs ni oti na 1 ena 5 na miniti (1:05am) ena mataka ni Siga Tabu ia na Crusaders kei na Sunwolves ni oti na 7 ena 35 na miniti (7:35pm) ena Vakaraubuka qo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.