Veivuke mai valagi UNAISI RATUBALAVU | Tuesday, April 18, 2017

ERA marau na daususumanumanu mai Bua kei ira mai na muaira ni noda vanua ena veivuke levu ni veivakacokotaki mai na tabana oqo, na Fiji Crop and Livestock Council ena macawa sa oti.

Oqo ena veivuke ni kena soli vakailoloma na bai me ra maroroi kina na manumanu susu ka tiko na kena i sau vakailavo ena $130,000.

Na veivuke oqo eratou solia mai na tabana ni teitei mai New Caledonia, na New Caledonia Chamber of Agriculture.

Oqo e dua ga na nodratou cau ena cakacka levu ni veivakacokotaki vei ira na daususumanumanu e Viti ni oti na vakacaca ni cagilaba o Winston.

E kaya e dua na dausususipi kei na me mai Bua, o Jonathan Smith ni vakavinavinakataka na rua na i vivivi bai ka soli yani oqo vakailoloma vua.

Ena gauna oqo e susuga tiko o Smith e 150 na sipi ka 30 na me ena nona vanua ni susu manumanu e Nasarawaqa e Bua.

E kuria o Smith ni dodonu vei ira tale na daususumanumanu e Viti me ra na dau lewena na soqosoqo oqo na Fiji Crop and Livestock Council baleta ni sa tiko rawa na veiwekani e semata tu na tabana oqo kei ira na tabana ni veivuke mai valagi.

Ka ra mai kalougata kina na lewena na i soqosoqo oqo na daususumanumanu kei na dauteitei ni rawa mai vakaoqo na veivuke e dau soli tu mai vakailoloma ena kena tarai cake tikoga na i vakatagedegede ni veiqaravi.

Kaya na i vakailesilesi liu ni tabana oqo o Jiu Daunivalu ni sa vakavinavinakataka na veivuke e solia tuna Chamber of Agriculture ka veisemati kina na veivuke ka ciqomi oqo.

Kaya o Daunivalu ni wili tiko ena veivuke oqo o ira na dau susu bulumakau, na sipi kei na me, ia vei ira na vakayagataki qele e wili tiko ena soqosoqo o ira na dautei dalom, na yaqona, na cago, na koko kei na raisi.

Ia na soqosoqo na Fiji Foods Exporters Association e ra lewena tiko na daususuvuaka, na oni kei na vuata.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.