Matamata koula e Isireli Vola o LEKIMA LAWENITOAKULA | Tuesday, April 18, 2017

Aisea 2: 3 Ni na lako yani mai Saioni na vunau kei na Vosa i Jiova mai Jerusalemi.

For out of Zion shall go forth the Law and the Word of the Lord from Jerusalem.

Ki Mitzion Tetzei Tora Udivar Adonai Mirushlayim.

Joni 13: 35- Sa kalougata ko koya sa lako mai ena yaca ni Turaga.

Blessed are those who come in the name of the Lord. Ba'rvoch Aba- bishem adonai

Ni sa bula vinaka tale mai na wekaqu lomani mai na yasana vakaturaga e 14 ni noda vanua.

Au sa veikidavaki tale tiko yani oqo ena yaca talei ni gone turaga ko Jisu Karisito.

Ni sa bula vinaka mai. E dua saraga na macawa bibi eda sa lako curuma oti tikoga oqo- sai koya na macawa ni curu vaka- Tui. Sa curu tu na Tui vakaiukuuku kei vuravura kecega.

Au vakabauta ni matata vakavinaka tiko vei keda na i lakolako ni curu vaka- Tui e mai  caka oqo. Na kena i matai o koya esa mai cakava oti. Taumada na gone turaga ko Jisu Karisito. Oqo saraga na nona gauinisala se na route ni nona i matai ni curu vaka- Tui, vodoka na asa mai na ulunivanua ni veiolive, siro sobu yani ki na were ko Kecisemani.

Qai cabe cake yani ki na matamata rogolevu koya na "Golden Gate."

Na nona curuma na matamata rogo oqo na Golden Fate, era kaila sara na luvei Isireli, ' Osana! Osana! Osana ki cake sara.

Osana ki vua na luvei Tevita.

NI ra kaila oti ga na luvei Isireli, e toso ga vakasauri sara na matamata ni "Golden Gate". E se tasogo tikoga me yacova mai na gauna oqo, era sa dau tukuna tikoga na Jiu- ni nona na lesu tale mai na gone turaga ko Jisu Karisito- o koya ga ena qai mai dolava talega na Golden Gate- sai koya na matamata rogo levu oqo e Jerusalemi. Oqo saraga na i karua ni nona curu vaka- Tui o koya e waraka tiko oqo ko vuravura.

E 12 taucoko na matamata kei Jerusalemi na koro makawa se na old city.

Na i matai- Jaffa Gate, Na i karua- Single Gate, Na i katolu- Double gate, Na i ka va- Triple Gate, Na i ka lima- New Gate, Na i ka ono- Damascus Gate, Na ka vitu- Erod's Gate

Na i ka walu- Steven's Gate, Na i ka ciwa- Dung Gate, Na i ka tini- Moor's Gate, Na i ka tinikadua- Lion's Gate.

Na kena i ka 12 ni matamata kei Jerusalemi, na koro tabu sai koya na Golden Gate o koya e se tasogo tikoga oqo- mai na gauna sara koya e na i matai ni nona curu vaka-Tui.n

Na nona ikarua ni lesu mai na noda i Vakabula, e nanamaki tiko kina oqo ko vuravura. Era sa tukuna tikoga na Jiu- ni ko Jisu ga ena qai mai dolava tale na matamata rogolevu oqo na Golden Gate.

Sa curu tu na Tui vakaiukuuku kei vuravura kecega.

Oqo na i tukutuku eda sa dau rogoca ena veiyabaki me baleta na curu vaka- Tui.

Era lewe vuqa talega era vakadewataka cala na nona i tutu vakatui.

Ena nona veilewai sa vakadinadinataka na nona i tutu vakatui.

Ia, na nona i tutu vakatui sa duidui sara mai na i tutu vakatui kei vuravura.

E vica na ka eda vulica raw ena curu vakatui oqo.

Na i matai na ka kecega eda sa taukena tu, sa nona na Tui oqo.

Na nona Vosa me baleta na kena laki kau mai na asa, sa i vakaro ni dua na Tui.

Eda sega ni kila se sa cakava oti tu ko koya na veivosaki kei na i taukei ni asa se sega, ia, eda kila ga ena nona i vakaro, ni sa taukena na asa me kau mai me mai vakayagataka na kena i taukei dina ka tui ni veika bula kecega.

E vakaevei ko bau okata tu li ni ka kece ko taukena e nona na Tui oqo'

Oqori dina na i balebale ni curu vaka- Tui oqo.

Na nona i tutu vakatui na goneturaga ko Jisu Karisito e sa veibasai kei na tui kei vuravura.

O ira na tui kei vuravura era sa dau vakacolasau vei ira na lewenivanua ena lewa kaukauwa.

Ia, e sa tui yalodina, ka sa vakatakilakilataki ena nona vodo ena asa.

Sa sega ni tui ni veisaqasaqa, me vaka e ra nanuma, ia, sa tui ni lomada.

Ko ira era okati koya me nodra tui- se dau sucu voli e lomadra na yalomalua, kei na yalomalumalumu. E kaya na nona vosa, "Dou vuli vei au, ni'u sa yalomalua ka yalomalumalumu- dou na qai kunea kina na vakacegu ni yalomudou. Emeni.

Ena qai kuri tale yani ena macawa ka tu mai. Nanuma tikoga na Mobile Healing ena kena naba ni talevoni na 9204915/9590439.

Eso na vosa vaka- Iperiu meda na vulica:

i) closed- sagur

ii) cute- khamud

iii) attractive- moshekh

iv) scary- mafkhid

v)nice-yafe

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.