Karua ni lesilesi VILIAME ODRO | Tuesday, April 18, 2017

AU vakavinavinaka vakalevu ki na tabana ni Na i Lalakai e na kena vakasokumuni mai na i tukutuku e na loma ni vanua kei na i tukutuku ni lotu e na tabacakacaka o Nasolo e na Yavusa ko Namacuku.

E vakaraitaka toka mai o Talatala Alivereti Bulai na i Talatala ni Tabacakacaka o Nasolo ni dua na ka na nona vakavinavinaka e na nona tabacakacaka ka veiqaravi tiko kina e na siga nikua.

E kaya ko Bulai ni a kunekunetaki na tabacakacaka vou oqo e na yabaki 1997 e na nodra yalovata sara ga na lewe ni tabacakacaka e na kena tutaki na cakacaka ni Kalou. Tomana ni valenilotu oqo e Nasolo e dau wili tu e liu ki na tabacakacaka ko Nailaga.

Ia, era sa mani bose na lewe ni lotu, ka vakamuri na kena veigacagaca kece ni ra sa vinakata me sa dua ga na nodra tabacakacaka vakataki ira.

E kaya o Bulai ni a qai mani vakavotukanataki na nodra gagadre e na yabaki 1997 ka yacova tiko mai na yabaki oqo.

Me yacova mai oqo e sa yabaki 20 na nodra veiqaravi voli mai me dua na tabacakacaka o Nasolo, mai na yasana levu oqo ko Ba.

Kuria e na nona kaya ni tolu tiko na valenilotu ni Tabacakacaka o Nasolo, a ya ko Nasolo, Ketenikula kei Koronubu na nodra i tikotiko na dauteidovu.

Tomana na nona i vakamacala o Bulai ni i matai ni talatala me tauyavutaka na Tabacakacaka oya, e dua na turaga ni Lamiti mai Gau o Talatala Temo Tawake.

Kena i karua e dua na turaga ni Vutia mai Rewa, o Talatala Isimeli Koroi, katolu o talatala Manaeru Ratulau (Macuata), i kava o Talatala Epeli Lutua turaga ni Vanua Levu (vakacegui e na vuku ni tauvimate).

Na i kalima ni talatala me laki veiqaravi o Talatala Aporosa Mataqila (Nadroga) ka kena i ka ono o Talatala Alivereti Bulai, ka se qai karua ni nona i lesilesi oqo ki na Tabacakacaka o Nasolo.

E kaya o Bulai ni i matai ni nona i lesilesi oya na Tabacakacaka o Burelevu mai Waimaro e Naitasiri.

Tinia ni vinaka sara ga vua na veiqaravi e na Tabacakacaka o Nasolo, ka tiko talega kina na i tikotiko vaka i Talatala kei na i liuliu ni yavusa o Namacuku.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.