Domo ni Parofisai mai na Lotu i Kavitu VILIAME RAVAI | Tuesday, April 18, 2017

ESA koto oqo era nai kuri ni i tukutuku ni Domo ni Parofisai mai na Lotu i Kavitu ni Lesu Vakarua Mai, ni wiliwili sara yani.

Na tavako-paisoni

Era vuqa tu na vei paisoni e na tavako. Era lewe vuqa era vakayagataka na sikareti, sika kei na paipo. Ia, eso tale era dau mama na veitavako eso, ka ra kania vata kei na dua na paisoni e vakatokai me nikotini. Na paisoni oqo e vakacacana na noda mona vata kei na yagoda. E dua na mate e vakatokai me mate ni yatevuso (Lung cancer) koya e vu mai ena kena vakayagataki na tavako, na mate oqo e vakamatea tiko e lewe vuqa sara e daidai. Na mate oqo e sega so ni dau kune vei ira era sega ni vakayagataka na tavako. Era sivia e 50,000 mai Amerika e mate tiko ena mate oqo ena veiyabaki. Na vakatavako e vakacacana na noda gacagaca. Mai Igiladi kei na vuqa tale na veimatanitu era sa vakatabuya na nodra matanitu na kena vakayagataki na tavako, de ra qai yaco vei ira na lung cancer. Na tavako talega e vakacacana na noda uto. Na yagomu e vale tabu ni Kalou. Kakua ni vakacacana e na nomu vakayagataka na tavako.

Na vakatavako e rui ka ca vei keda kece na tamata. Cauravou, goneyalewa era dau vakatavako era na sega ni tubu vinaka. Era na sega ni kaukauwa. Na tavako e vakatubura na veimate eso me ra tauvi ira ka ra vakayagataka. Na paisoni e tu kina e vakabuwawataka na vakasama. E vakacacana na noda i cegu. Ko ira kece era via cakacaka kaukauwa, cici, se dau qalo, me ra kakua ni tara na tavako. Kevaka ko sega ni dau vakatavako, digtaka mo kakua ni tekivu. Kevaka ko sa vakatavako tiko kerei Koya na Kalou me solia vei iko mo kakua tale ni vakatavako. E na sega beka ni rawarawa. Ia, na Kalou e na vukei iko mo kakua ni tara se vakayagataka ena veigauna kece ko temaki kina.

Na Kalou e vinakata me da bulabula vinaka

"Kemuni na lomani sa dua bauga na ka kau sa gadreva vakalevu mo kalougata ka bula vinaka, me vaka sa bula vinaka sara na yalomu." 3 Joni 2.

E vuqa tu na veika e dodonu meda vakayacora ena veisiga kevaka eda gadreva meda bula vinaka.

Me veirauti vinaka na gauna ni noda moce. Na dau yadra sivia e vakacacana na noda bula.

Meda dau vakadreyago, m evaka na taubale, sisili ka veiqaloyaki vakalevu, ka dau caka were, oqo e na vukei iko.

Dau ceguva na cagi bulabula. Na noda veivale me levu tu na kena vei katuba.

Me levu na vei kakana vinaka meda vakayagataka.

Me da nanuma ni Kalou e vinakati keda meda dau nanuma ni vale tabu na yagoda ka Nona na Kalou. Na Kalou me bula e lomada. Me da dau qarauna ka taqomaka na yagoda ni sa Nona.

"O koya ga se dou kana, se dou gunu, se cava na ka dou sa kitaka, mo dou kitaka kecega me vakarokorokotaki kina na Kalou." 1Koronica 10:31.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.