Soqo ni tikina o Wailevu VILIAME RAVAI | Tuesday, April 18, 2017

ENA vakayacori tiko e dua na soqo bula ena i ka 21 kei na i ka 22 ni Epereli ena koronivuli o Wailotua District School ena loma ni tikina o Wailevu e Wainibula.

E vakaraitaka ko Sanaila Rasotale na manidia ni koronivuli ni i naki levu duadua ni kena vakayacori na soqo oqo ena kena gadrevi me kumuni rawa kina e $10,000 ka me vagolei nai lavo oqo ena kena vakavinakataki e dua na vale ni qasenivuli e koronivuli.

"Na soqo qo e lavaki ena tolu na koro ena loma ni tikina, na koro ko Natokalau, Wailotua naba 1, Wailotua naba 2, kei Malabe," e kaya o Rasotale.

E kuria ko Rasotale ni ratou na va na koro oqo me ratou na sauma e ya $3000 na nodratou takete ena soqo siga rua qo. E kaya ni levu na ka ni veivakamarautaki ena vakayacori tiko ka lako vata na nodra volitaki cakacaka ni liga na marama ena loma ni tikina.

"Ena vakayacori talega na qito vei ira na gonevuli kei na veitimi ena loma ni tikina ena qito veitavi (volleyball) ka lako vata na nona mai dolava na soqo siga rua qo na Minisita ni Teitei kei na susu manumanu ko Inia Seruiratu," e kaya ko Rasotale.

E kuria o manidia ni koronivuli ni ra na tiko talega na veitabana mai na matanitu kei na veikabani ena nodra mai vakaraitaka na veika era volitaka ka lako vata ena nodra caka vuli.

"Ena sega na leqa ka ni na vakarautaki na tolili ni veigoleyaki ena yasayasa qo vaka Wainibuka me vakarawarawataka na nomuni na gole yani ka la'ki veitokoni ena loma ni tikina o Wailevu na sasaga yaga ena kena cuqeni tikoga nai tavi ni qaravi vuli ena vukudra nai sausau vou kei Viti ena veisiga ni mataka," e kaya o Rasotale.

E kuria o Rasotale ni kerea na nona veisureti raraba yani vei kemuni na vuli oti ena Wailotua District School kei kemuni na luvei Wailevu ka ko ni sa tu vakacakacaka ena veivanua ena veiyasai Viti kei kemuni na luvei Wainibuka raraba sema vakadra, vasu, saini mate se vakarau saini mate ena loma ni tikina o Wailevu e kerei saka na nomuni veitokoni ena vuku ni soqo siga rua qo ena sereki macawa rua ni vuli mai qo.

Na kena vakamatailalai ni tukutuku mo ni qai veitaratara kei Sanaila Rasotale na turaga manidia ni koronivuli e Wailotua ena naba ni talevoni 8075690.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.