Sega ni daumaka: Kalouniwai UNAISI RATUBALAVU | Tuesday, April 18, 2017

ENA sega ni daumaka ki na veisoqosoqo vakapolitiki me ra na laki vunau ki na buca ni valu e na Tokalau e loma kei vuravura, baleta ni sega ni rawarawa na bula kei na veiqaravi ena veisiga ena vanua oqori.

Tukuna mai na  vakailesilesi liu ni mataivalu o Kanala Jone Kalouniwai ni gauna oqo e kaukauwa sara tu ga na tiko yavavala ena vanua ni veiqaravi era dui tu kina na noda lewe ni mataivalu ena Tokalau e loma kei vuravura.

Vakadeitaka talega o Kanala Kalouniwai, ni dodonu me na dau kerei taumada na veivakadonui mai na  Matabose kei Vuravura e rua na United Nations Disengagement Observer Force ( UNDOF) kei na Multinational Force and Observers ( MFO) mai Sainiai ke ra vinakata me ra laki vunau se sikovi ira na noda sotia.

 E kaya tiko na i liuliu ni People's Democratic Party o Lynda Tabuya ni sa vakarautaka tiko na i soqosoqo e dua na i tuvatuva me na laki vunau wavoki vei ira na noda era tu ena veiyasai vuravura.

 E kaya talega o Tabuya, ni kevaka ena vakatarai  kina o soqosoqo me na gole ki na Tokalau e Loma ka ra tiko mai kina na noda era veiqaravi voli mai vanua tani.

E kuria o Tabuya ni levu vei ira na lewei Viti era tiko mai vanua tani, era dau veitaratara voleka mai na mona livaliva ka ra vakamuria tu mai na veika e yaco tu ena noda vanua.

 Tukuna ni sa tiko talega na i tuvatuva me na sikovi na dauniveitokoni ni soqosoqo ena vanua e kilai ni levu kina na lewenivanua e Viti me vakataki Ositerelia, Niusiladi kei Amerika.

 E kaya o Tabuya ni sa tiko na bolebole vei ira na veisoqosoqo lalai e Viti, ia ena sega ni tarovi iratou ena nodratou sasaga me ratou na veitaratara ka veitalanoa kei ira na i wase  ni lewenivanua e Viti era sa qaravi i tavi mai valagi.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.