Lailai na i lavo UNAISI RATUBALAVU | Tuesday, April 18, 2017

E na nona vakadidike o Isimeli Bose, na i vakailesilesi ni Matabose ni Momo ni yasana ko Ba Trust ni sa sega ni vakavatukana na i lavo ni lisi era dau ciqoma na turaga ni vanua ena gauna e sa votai kina vakatautauvata.

E kaya talega o Bose ni veika e virikotori ena vuku ni lavo ni lisi, e laurai ni sebera tikoga na i Taukei ena noda toso ena vuravura ni bula vakailavo ni vakatauvatani kei na veimatatamata tale eso.

E na nona vakaraitaka na nona vakatutu o Bose ena vuku ni lawa vakaturi ni lawa ni koro e vakayacori mai Nailaga e Ba, e tukuna ni dodonu me na laurai vakavinaka na tikina oqo. Ena nona vosa ka vakamatatataka eso na i tukutuku e vakaraitaka oqo o Bose, tukuna kina o Apakuki Kurusiga na i vukevuke ni vunivola tudei ni minisitiri ni taukei ni dina na i tukutuku ni laurai ni da sega sara ni taucoko na kawa i taukei ena veika vakailavo, ia eda vutuniyau ena yalo vinaka.

E kaya o Kurusiga ni dua na ka e sa kilai levu tu ni levu vei ira na i Taukei ena noda veikoro era sega sara ni rawa- ka vinaka ni vakatauvatani kei ira tale na matatamata e Viti.

Vakadeitaka ni tuvatuva me baleta na kena votai vakatautauvata na lisi , esa lewa saraga mai na matanitu, ia e sa tiko e dua na i tuvatuva ena nodra rawa ni vakadonuya na lewe ni dua na mataqali na nodra i lavo ni lisi me sa gole ga vua na nodra i liuliu ni yavusa.

Ena nodratou gole wavoki tiko e na veiyasana taucoko e Viti, eratou a tiko voli mai Nailaga e Ba ena siga Lotulevu sa oti na i vakailesilesi eratou sokumuni tukutuku tiko me baleta na lawa ni koro.

E qai kauta cake e dua na vakatutu se vakasama o Isimeli Bose kivei iratou na vakailesilesi liu ni Tabacakacaka i Taukei na nodra sega soti ni taleitaka na turaga ni yavusa na nodra i lavo ni lisi ena gauna e sa dau lisitaki kina e dua na qele e taukeni vakamataqali se yavusa.

E kuria o Bose ni lavo ni lisi e sa rawa mai qori, e qai dau maroroya toka na matanitu ena dua na akaude.

E kaya o Bose ni kena sa votai oqo vakatautauvata na lisi, e sa qai lailai sara na i lavo era ciqoma na turaga ni vanua, ka sega soti ni vakavatukana na veika era dau ciqoma ena nodra i wasewase ni lavo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.