Tekivu na veisiko ni SODELPA UNAISI RATUBALAVU | Tuesday, April 18, 2017

E laurai ni sa tekivutaka yani oqo na i soqosoqo vakapolitiki na Social Democratic Liberal Party na nodratou veiqaravi ena vuku ni veidigidigi ka nanamaki kina na lewei Viti ena yabaki ka tu mai.

Ena gauna oqo eratou tiko voli mai na vanua levu o Amerika na peresitedi ni soqosoqo, o Sitiveni Rabuka kei na nona lewenivale, o Sulueti.

Ka lewe talega ni lakolako na vunivola levu ni soqosoqo o Adi Litia Qionibaravi.

E namaki me na laki vosa vei ira na dauniveitokoni o Rabuka ena nona tiko voli mai Amerika.

Ia, e laurai talega ni sa maqusa tiko na i soqosoqo na SODELPA ena kena lakovi talega na matanikatuba vakaturaga, ena kena kerei tiko na vanua ena vuku ni vunau vakapolitiki era sa vakavakarau yani kina na veisoqosoqo eso.

Ena Moniti sa oti, e sa laki vakacabora oti na nodratou i sevusevu ki na yanuyanu mai Bau na matailawalawa qo ka liutaka yani o Rabuka.

E laki vakacabori ga na i sevusevu me vaka na i tovo vakavanua ena kena soli tiko na veivakadonui kina i soqosoqo me na qarava na nona veiqaravi.

A gole ena i lakolako oqo ki na yanuyanu mai Bau na i vukevuke ni peresitedi ni soqosoqo o Save Kamikamica kei iratou e vica tale na turaga.

 Ena tekivu ni yabaki oqo, a gole talega ki Amerika ena vuku ni soqo ni masumasu se prayer breakfast  ena veisureti ni Peresitedi ni matanitu mai Amerika o Donald Trump.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.