Volitaki kakana dina mai Ba VILIAME ODRO | Tuesday, April 18, 2017

ENA veisiga Lotulevu, Vakaraubuka kei na Vakarauwai, keirau dau gole sobu mai kina ki na makete e Ba, e na neirau kauta mai kina na neirau vua ni qele.

Na veimala ni vosa oqori e cauraka toka mai o Kalara Senikai Ratu mai na koro ko Koroboya e na Tikina o Qalialatina e na yasana ko Ba.

E vakamacalataka o Ratu ni rau dau vakarautaka rawa na nodrau i voli e na siga Moniti ki na Lotulevu, ka rau qai dau kauta sobu ki na makete mai Ba e na siga sa vakamacalataki koto oqori e cake.

Kuria ni rau dau biubiu mai na basi e na veimama ni ono na kaloko e na mataka lailai, ka qai dau lesu cake tale e na veimama ni ono e na yakavi.

?Na neirau i voli keirau dau volitaka e okati kina na kumala, tavioka, dalo kei na kakana draudrau,? e kaya.

Tomana na marama yabaki 43 oqo ni i lavo e dau rawati e na nodrau basa e vakayagataki kina na bula e na veisiga, na veika e lavaki mai na lotu, vanua kei na nodra vuli na gone. E kuria e na nona kaya ni sau vinaka sara tiko na kakana dina kei na kakana draudrau e na makete mai Ba e na gauna oqo, ka vakakina na vuanikau me vakataka na quwawa, na jaina, apolo, moli kei na pea.

Kuria o Ratu ni gauna oqo e dodonu me da sa teitei ga vakalevu, ka me vakayagataki na qele lala e ra tiko e na noda yasa ni koro.

E vakaraitaka talega o Ratu ni sa veisisivi ga e macawa na i sau ni yaqona e na makete mai Ba e na gauna oqo, ia, na kena i wali duadua ga sa i koya me da teivaka vakalevu, se me da sa kakua sara ga ni gunuva.

E vakavinavinaka talega o Ratu ki na matanitu e na kena vakarautaki na bure, ka ra dau mai tawana o ira na koro ka ra lako sara mai vakayawa e na nodra mai volitaka na nodra i voli, e na makete mai Ba.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.