Veivuke na yaqona ena i tavi VILIAME ODRO | Tuesday, April 18, 2017

NA i lavo kece keirau rawata mai e na loma ni 30 na yabaki ni neirau bameti tiko vakaveiwatini e na makete e Ba, e veivuke sara vakalevu e na kena bonati sara ga vakavinaka na veika e gadrevi e vale e na veisiga kei na i lavo e lavaki mai na lotu kei na vanua.

Na i vakamacala oqori e cauraka toka mai o Teresia Nasau e dua na marama ni Koroqaqa e na yasana o Ba, ka bameti yaqona tiko e na makete, e na yasa ni vunivaivai levu mai Ba.

E vakamacalataka o Nasau ni sa tubu sivia sara tiko ga na i sau ni yaqona e na gauna oqo, ia, e dau vakavinavinakataki ira sara vakalevu na dau la?ki vakayagataka yani na nona yaqona e na nodra sega ni dau vakasuka, ka ra gole tikoga yani e na veisiga.

E dua na ka e taleitaki kina na makete ni volitaki yaqona mai Ba, oya ni tu sara ga vakatikitiki ka sega ni veicurumaki vata kei ira na volitaki kakana tiko e loma ni makete.

Tomana na nona i talanoa o Nasau ni a vakatovolea ga na bametitaki yaqona e na i matai ni gauna, ia ni sa raica na i lavo e rawata mai kina, sa sega tale ni qai rai vuki ka ni sa makututaka sara ga me yacova mai na siga nikua.

?Na i lavo ni bameti, e ratou vuli kece kina na luvequ, ka sa qai vo duadua sara ga na noqu i tini, ka sa vuli tiko e na Iunivesiti ni Ceva mai Laucala e na gauna oqo,? e kaya.

Kuria o Nasau ni veimataka kece e dau mai volitaki yaqona e na makete, ka so na gauna era na vakatawana tikoga na teveli o ira na dau gunu yaqona tiko kina, kevaka e la?ki qarava tale e so na veika e na loma ni tauni o Ba.

?E sega vakadua ni dau caka na butako e na vanua keimami volitaki yaqona tiko kina e na vuku ni keimami sa veikilai sara ga vakavinaka kei ira na i lala keimami bameti vata tiko,? e kuria.

Sa nuitaka tiko na marama yabaki 55 oqo, ni na dua na gauna lekaleka wale sara ga qo, e sa na lutu sobu tale kina na i sau ni yaqona, ka ni gauna oqo e tara sara tikoga yani na $110 ki na $120 dua na kilo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.