Veikilai me vinaka VILIAME ODRO | Monday, May 15, 2017

KEVAKA e vinakata na timi ni rakavi lewe ya 13 ni noda vanua me ratou rawata na qaqa, e dodonu me ratou vakavinakataka na nodratou veivesu, ka me ratou veikilai qitoqito sara vakavinaka.

E vakamacalataka tiko na tikina oya o Timoci Naleba na turaga i vakalesilesi liu ni (FNRL) e na noda vanua.

Tomana o Naleba ni gauna oqo e ratou vakatovolei ira kece tiko na cauravou dau qito rakavi lewe ya 13, me rawa ni laurai kina e dua na timi vinaka me rawa ni matataka yani na noda vanua e na qito ni vuravura ka na vakayacori tiko e na vula ko Okotova ni yabaki ga oqo.

E kaya o Naleba ni ra vakatovolei kece tiko na cauravou e na sota kei na timi ni Papua Niukini e na yabaki sa oti, ka vakakina na sota vata kei Samoa.

Ia, era veisautaki vakalailai na cauravou ka ra valataki vanua vata kei Toga e na yakavi ni Vakarauwai sa oti, ka rawa ni laurai e keya ni sa daumaka sara toka mai na nodratou qito.

Kuria o Naleba ni na namaki tiko e vuqa sara na dau qito vinaka me ra na matataka na noda timi, ni sa voleka toka mai na qito ni vuravura.

Tomana o Naleba ni vinaka talega me da kua ni vakaraitaka na timi e na matataki Viti ki na qito ni vuravura, baleta me rawa ni dredre na nodra vakavakarau na vo ni timi, ka ra dau wilika vinaka tu na qito rakavi lewe ya 13.

E kaya talega o Naleba ni na levu sara na veiveisau e na vakayacori tiko e na noda timi ni da sa rorova tiko yani na vula namaki.

Tinia e na nona kaya ni rairai era na valataka na noda vanua, e lewe levu vei iratou na cauravou ka ra a veitavulaki kei na timi ni Mate Ma?a Tonga e na Vakarauwai.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.