Qera na noda timi vei Toga VILIAME ODRO | Monday, May 15, 2017

NODRATOU vakawelewele sara ga na noda toa ni vala e na i otioti ni miniti, e vakavuna na nodratou mai dalasai vua na mata timi kaukauwa ni Mate Ma?a Tonga.

E ratou a sagasaga dredre sara ga na noda cauravou e na i matai ni veimama ni ratou a liu tiko kina na timi ni Toga e na 10 kei 0 me yacova na gauna ni vakacagicagi

E dua na vosa vinaka e a rubilaki vei iratou na noda cauravou e na guana ni veimama, ka lutubi e lomadratou ka vakavuna kina me ratou takosova vaka rua kina na laini ni sikoa e na i tekivu ni i karua ni veimama.

E a tabaka ruarua na sikoa oya ko Viliame Kikau, ni bera ni qai tosoya cake na kedratou kai o Henry Raiwalui. Dede vakalailai ratou sa qai vakaraitaka e dua na mata ni meke bula na noda cauravou ka vakavuna na nona la?ki tabaka tale na polo o James Storer.

E vakaraitaka na ivakalesilesi Liu ni (FNRL) o Timoci Naleba ni dua na qito vinaka e rau vakayacora kei na mata timi ni Mate Ma?a Tonga na noda cauravou.

?E sega soti sara ni vinaka na neitou veivesu, ka keitou na tovolea me keitou na vakavinakataka na tikina oya. Sa vo sara tiko vakalailai e vica na ka me vakavinakataki me rawa ni rawati kina na qaqa. Keitou na tovolea me keitou na tosoya cake tale ki na dua na i vakatagedegede na neitou vakaukauwa yago, ia, vei au e dua na qito vinaka e ratou vakaraitaka na cauravou,? e kaya.

E dua talega na sikoa rairai vinaka e vakayacora o Ben Nakubuwai, a ya e na nona tavia lesu mai na polo o Kevin Naiqama e na laini ni sikoa, ka da raica e kea na matua ni qito e tiko vua na cauravou oqo. E dina ni ratou a rawata ga na noda cauravou e dua na sikoa e na i karua ni veimama mai vei Daniel Saifiti, ia, na nona basuka na nodratou i lati ni tataqomaki o Leilagi Latu e mai vakavuna kina na nodratou druka e na kai e 26 na timi ni Mate Ma?a Tonga, ka 24 na noda matatimi.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.