Dola na rara ni qito mai Tavua VILIAME ODRO | Monday, May 15, 2017

?NA noqu matanitu e sa bucina me tara na veivale me kaukauwa ka vinaka cake sara mai na veika e vakacacana na cagilaba o Winstone na vula o Veverueri e na yabaki sa oti.?

Oqori na veimala ni vosa e cauraka tiko na noda i liuliu ni matanitu o Voreqe Bainimarama e na gauna e dolava kina na rara ni qito mai Tavua.

Taumada na nona vakavinavinakataka na Paraiminisita na nona tiko rawa e na kena dolavi tale na garvey Park.

E kaya o Bainimarama ni ratou a cakacaka veivolekati sara na nona matanitu kei na matabose ni tauni ko Tavua, ka tomana ni na vakayagataki sara vakavinaka na rara oya e na soqo cava ga e gadrevi kina.

Kuria o Bainimarama ni kila vinaka na yaga ni vakaukauwa yago, e dua na i vosavosa e vaqo ri ne: ?Kevaka o na dau vakaukauwayago vakavinaka, o na sega ni kaukauwa walega, e sa na bau dredre talega na vakadrukai iko.?

Tomana na noda Paraiminisita ni kena vakavinakataki na rara e Tavua, e na vukei ira sara vakalevu na turaga kei na marama e na gauna ni vakaukauwa yago, ka kena i karua e na vakalailaitaka na mate sureti ka sa veivakaleqai tiko e na noda vanua e na gauna oqo.

E kaya o Bainimarama ni i yaya ni vakaukauwa yago e tiko e na rara oya, e sega ni baleti ira ga na dau qito, ka ni rawa talega ni ra vakayagataka na lewe ni vanua era tiko e na yasayasa vaka Tavua.

Tomana ni kena vakavinakataki na rara kei na kena i yaya ni vakaukauwa yago e taura walega e dua na yabaki, ia, e qaravi sara ga vakavinaka e na kena i vakatagedegede sara e cake.

Kuria na turaga Paraiminisita e na nona kaya ni cagilaba o Winston solia vei keda e dua na i vakaro, ni dodonu meda tara na veivale me rawa ni taura na kaukauwa ni vakatagedegede ni cagi, ka kauta mai o Winston, ka so e na kaukauwa cake sara.

Sa dodonu ga meda tu vakarau e na veigauna kece, ka tara na i vakatagedegede ni vale kei na koronivuli me rawa ni taura na cagilaba.

?Ki veikemuni na turaga kei na marama, sa dodonu me da raica vakayalomatua na tikina oqo, ka meda tara na veivale e rawa ni taura na kaukauwa ni cagi e na veigauna sa tu mai liu. Na rara oqo na Garvey Park, e vakatorocaketaka na matanitu ena kena vakadaberi na cina ramase me baleta na qito e na bogi, vakakina na kena vakabaitaki wavoki ka o ni taqomaki kina na lewe ni vanua.

Keitou tara talega e dua na vale levu me rawa ni vakayacori kina na qito, ka vaka talega kina na veisoqo tale e so ka kena i sau vakailavo e volekata e veimama na milioni na dola.

?Sa tu na noqu vakanuinui ni ko ni na vakayagataka sara vakavinaka na vei iyaya ni tereni me rawa ni kune kina na tiko bulabula e na nomuni vanua, e da dau taleitaka sara vakalevu na qito kei na vakaukauwa yago ka rawa ni da sota vata kei ira na timi e na veiyasai vuravura, ka sa dodonu kina me da maroroya ka taqomaka na veika kece o ni sa mai raica e na siga e daidai,? e kaya.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.