Druka o Nadro VILIAME ODRO | Monday, May 15, 2017

RATOU sega ni taqea rawa na timi tagane ni BLK Nadroga, ka ratou taura tiko na Bilo Cecere na Skipper Cup e na gauna oqo na veiraravui e ratou vakaraitaka vei iratou na timi ni Koro Turaga ko Suva e na siga Vakarauwai.

Ni tekivu na qito e rau vakasota toka na timi e rua oqo, ia, na kaukauwa ni yago e tiko vei iratou na timi ni Suva e vakavuna na nodratou lewa vinaka sara tikoga na i tosotoso ni qito.

Na totogi sara ga e ratou solia tiko na Nadroga e vakavuna na nona bola rua vakatolu na matamata na nodratou naba 10, o Mosese Tikoduadua ka lewena tiko na mataivalu e wai, kina 9-0. Ni toso tiko na qito e na i matai ni veimama, e a qai vakacuruma na kai kei Nadroga o Aseri Vatuinaruku me kauta cake ki na 3, ka 9 tikoga o Suva.

Toso cake na qito, ka toso sobu, ka vakaraitaki koya vinaka sara na nodratou kavetani na timi ni Suva o John Stewart e na nona takosova na laini ni sikoa e na i matai ni veimama, ka kauta cake kina na kedratou kai e na 14, ka 3 tikoga na timi ni Nadroga.

E na i karua ni veimama e a soli kina e dua na i totogi vei iratou na timi ni Suva e na nodratou vakasurataka tiko na sikaramu, ka kauta cake na kai kei Nadroga ki na 10, ka 14 tikoga na timi ni Suva.

E ratou tuvalaka na nodratou mata ni mau na timi ni Nadroga, ia, e sa sega ga ni rawa, ni ratou sa vakavakarau vinaka sara ga na timi ni Suva.

Ni sa vakacagau tiko na qito e na i karua ni veimama e a qai ciqoma e dua na tiki ni veva dromodromo o Vasikali Mudu e na dua na veivesu e cake.

Na gauna talega oqori e solia kina e dua na i cegu bula vei iratou na timi ni Suva ka vakavuna me la?ki tabaka e dua na sikoa e na ruku ni matamata o Daveta Koroitakali, vakacurumi talega na kena caqe, ka kauta cake na kedratou kai kina 21, ka 10 tokaga na BLK Nadroga me yacova na i otioti ni miniti. E vakavinavinakataki iratou sara vakalevu na timi ni Suva na nodratou dau ni veivakatavulici o Saiasi Fuli, ka kaya ni ratou vakamuria vinaka sara ga na nona cauravou na i tuvatuva ni qito.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.