Veiwatini lekaleka duadua e vuravura VILIAME RAVAI | Monday, May 15, 2017

E DUA na veiwatini e kilai ena i vola na Guinness World Records, ni rau veiwatini lekaleka duadua ena noda vuravura.

E na yabaki sa oti, rau gole tu na veiwatini oqo ki Lodoni, ia na Seviteba ni yabaki sa oti e rau sa mai vakamau kina na lewe rua oqo.

O Paulo Gabriel da Silva Barros kei Katyucia Lie Hoshino e rau cavutu mai na vanua levu o Brazil.

Na gauna e tauri kina na kedrau balavu, oya ni biu vata e yaco tiko ena 71.42 na idi.

O Paulo e yabaki 31, ka rauta ni 35.54 na idi na kena balavu.

O Katyucia e 35.88 na idi na kena balavu.

O rau na lewe rua oqo e rau sota ga ena dua na tevali ni veitalanoa ena mona livaliva ka sa sega ni qai vakayagataki tu ena gauna oqo, na Orkut.

?Na matai ni gauna au raici koya kina, au sa domona na kena i rairai na marama oqo,? e kaya o Paulo.

Ia, ena gauna rau sa sota tiko kina oqo ena mona livaliva, a sega ni via veitaratara se tomana na veitalanoa oqo.

Ia e sega ni guce o Paulo na saga me rawa na yaloi Katyucia me yacova ni sa rawata na lomana.

Erau dau veitaratara tikoga ena mona livaliva, me yacova na Tiseba ni 2008, me rau qai veiraici mata kina na veiwekani oqo.

Sa mai tekivu sara na nodrau veitau voli, ka duidui se yawa toka na veivanua erau tiko kina na lewe rua oqo.

Ena Janueri ni 2012, esa toki mai o yalewa ki na nona taoni o Paulo e Itapeva. Esa qai sega tale na duitutu baleta ni rau sa vakadeitaka ni rau na veiwatini ka rau na bula vata ena veisiga.

O Paulo e cakacaka vakamatanitu kei o Katyucia, e taukena e dua na bisinisi ni nodra sasauni na marama.

E rau raica na lewe rua oqo, ni dau levu sara e kauwaitaki rau, ka vakadikevi rau.

Ia, ni rau sa mai veiwatini, e rau veivuketaka vata na kena bolei na veika erau dau sotava ena veisiga ena vuku ni nodra rai na tamata, kei na veika e rau qarava voli.

O Paulo, e tukuni na kena i tukutuku ni a sega ni rawa tu ni taubale me yacova saraga ni sa yabaki 21.

E na nona sasaga me bau veitosoyaki, e sa qai dau vakayagataka na basikeli, taya tolu nodra na gone,

E dua na mataqali motoka e a buli me vakatabakidua vua.

O ira na nona i tokani eradau vakatokai Paulo me o Giant Paulo.

E kaya o Katyucia ni vakavinavinakataka ni sa biu rawa ena i vola rogo e vuravura na veika me baleta na nodrau bula,

Ia e tukuna ni rawa vei keda meda na rai basikata na duidui e tu ena noda bula ka me ra na lomani ka raici vakatautauvata na tamata kecega, ka me kakua ni da vakaduiduitaki ena keda i bulibuli.

E kuria ni dina beka ni rau turaga se marama lekaleka, ia e tu vei rau na yalo ni loloma ka rau marautaka na veika esa vakarautaka vei rau na Kalou.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.