Dei tiko ena vakabauta LEKIMA LAWENITOAKULA | Monday, May 15, 2017

OQO na nona cau ena veimacawa ena tukuni yalo ka dau vakarautaka tiko mai o Lekima Lawenitoakula.

Ni wiliwili sara yani.

Aisea 2: 3

Ni na lako yani mai Saioni na i vunau kei na Vosa mai Jerusalemi.

For out of Zion shall go forth the Law and the Word of the Lord from Jerusalem.

Ki Mitzion Tetzei Tora- Udivar Adnai- Mairushlayim

Ni sa bula vinaka tale mai na wekaqu lomani mai na loma ni yasana e 14 ni noda vanua.

Au kidavaki kemuni tiko yani ena kaukauwa ni yacai Jisu.

Ni sa bula vinaka tale mai.

Sa tara na yadra

E kaya na Luke 4: 18- 19- ? Sa tu vei au na yalo i Jiova, ni sa lumuti au ko koya me?u vunautaka na i tukutuku vinaka vei ira era sa dravudravua; me?u vunautaka na sereki vei ira na bobula; kei na rai tale vei ira sa mataboko; me?u vagalalataki ira sa mavoa; me?u vunautaka na yabaki vinaka i Jiova.

Kemuni na wekaqu na vosa eratou cavuti ena tikina oqo, eratou dusia kece na leqa.

Na dravudravua, na bobula, na mataboko kei na mavoa, era vosa kece ni leqa.

Ena nona bula vakatamata voli ko  Jisu, e vuravura- esa dau vakaogai koya voli ena nodra qaravi na leqa.

Esa dau vunautaka voli na i tukutuku vinaka ni matanitu ni Kalou- ka veiqaravi vei ira na leqa.

Sa sega ni dau vunau walega, ia sa vunau ka veiqaravi raraba vei ira na leqa.

Kemuni na wekaqu- ena veiqaravi raraba oqori, eda sa na cakacaka tale tiko kina na i vunau levu ni Kalou kei Jisu na luvena.

Sai koya na loloma.

Ni sa yali na i tavi oqori ena loma ni lotu sa rawarawa sara me vuki na lotu me lotu vakarairai ka sega na kena dina.

Ena rarama ni vakasama oqori, au na gadreva me?u na tukuniyalotaka ga vakalekaleka sara na veika cecere e sa na cakava tiko vei au na Kalou se na goneturaga ko Jisu Karisito ki na noqu bula.

Na i matai ni noqu volavola ena Nai Lalakai ena 16 ni Seviteba ni 2015 e sa yabaki dua vinaka ena Seviteba ni yabaki sa oti, ka sa yacova sara tiko mai oqo ena vula oqo o Me ni yabaki oqo 2017.

Ka sa yabaki dua, vula walu kina na noqu dau volavola tiko ena pepa oqo.

Ni mai yabaki dua ga ena 16 ni Seviteba ni yabaki sa oti, keitou sa laki veiqaravi sara na Dauniveiqaravi Bole e Serea/ Naitasiri.

Na noqu veiqaravi tiko mai keya, e sa qai toso tale ena dua tale na tagede e cake na i vakarau ni noqu veiqaravi, me?u sa veivakabulai.

Ni mai yabaki dua, vinaka sara na noqu veibulagoci tiko mai ena pepa ena veimacawa, esa taqa tale mai cake e dua na i solisoli ni veivakabulai.

Kemuni na wekaqu mai na veiyasai Viti ena noqu dau yalodina tiko mai vua ena veimacawa ena pepa, e sega ni?u saumi ena cakacaka talei, lagilagi oqo, au cakava tiko ni?u kila na cava e a qai cakava vei au na Kalou; o koya e a qai vakataqara tale mai vei au e dua na i solisoli cecere- o koya e levu vei keda e bau gadreva se diva tu me bau taukena, sai koya na i solisoli ni veivakabulai.

O koya oqo e sa qai mai vakavuna tu me?u sa kikai saraga kina vakavinaka- tekivu mai na cabecabe ni matanisiga kei nai dromudromu ni siga, ka wili o ira na wekada mai vanua tani ena veiyasai vuravura.

E dau noda i ulutaga tiko ena veimacawa: Mo vakadeitaka na nomu vakabauta.

Ena Iperiu 11: 6 ? Ke sa sega na vakabauta, sa dredre sara mo dou vinakati. O koya sa toro vua na Kalou, e dodonu me vakabauta ni sa bula ko koya.

Ni sa dau saumi ira talega era sa dau vakasaqarai Koya. Na i sau ni noqu yalodina vua sai koya na i solisoli ni veimasulaki e sa tiko oqo vei au.

Ni ko na dau vakadeitaka tiko na nomu bula ni vakabauti koya ena qai laveti iko kina o koya. O na qai dau marautaka tikoga na bula ni nomu veiqaravi.

Ena Sere Levu 161:

Jisu Turaga niu yawa vua

Raici au kina ka lomana ga

Sobu totolo ka biuta na ca

Meu sa qai bula mai.

Na i katolu ni qaqana:

Jisu Turaga sa Kaya vei au

Au na solia na nomu marau

Ke ko dinata, ke ko vakabau

Mo noqu tikoga

Ena qai kuri tale yani na noqu tukuni yalo ena macawa mai oqo.

Eso ga na vosa vaka- Iperiu meda na vulica tiko yani.

i) I want - Ani rotse

ii) to drink - lishtot

iii) to eat - leekhol

iv) to do - laasot

Na naba ni talevoni mo ni qiriti au mai kina ke dua na nomuni vakatataro na 9590439/9204915.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.