Domo ni Parofisai mai na Lotu Kavitu VILIAME RAVAI | Monday, May 15, 2017

E SA koto oqo e ra nai kuri ni itukutuku ni Domo ni Parofisai mai na Lotu i Kavitu ni Lesu Vakarua Mai, ni tei wiliwili sara yani.

E LEVU vei keda e sega ni dau via solia na nona gauna me vulica na vosa ni Kalou se wilika na nona vosa.

Era sa mai vakasamataka tu ga na nodra vuravura.

E so era sa vakasamataka tu ga na nodra i lavo.

Ena siga ena yaco mai kina na Turaga e na qai viritaka na nodra i lavo kina veiqara vatu, ka cakava me dro kina ko koya, ki na kalavo kei na beka.

Era na kana ka gunu ka ra mateni, ena qai yaco vakidacala vei ira na siga koya.

E na qai rairai mai na i vakatakilakila ni luve ni tamata mai lomalagi, e na qai tagi na mataqali tamatayadua e vuravura, e na qai raica na luve ni tamata ni sa lako mai e na vei o ni lomalagi ena kaukauwa kei na i ukuuku levu.

Ia, e na talai ira na nona agilosi ko koya, kei na davui sa rogo i levu, me ra na vakasoqoni ira vata na nona digitaki mai na mata ni cagi e va.

Mai vu ni lomalagi e dua ka yacova na vu ni lomalagi kadua. (Maciu 24:30-31).

Sa dodonu meda sa nanamaki tu ka vakarautaki keda, ka meda na tavaki Koya na noda turaga ko Jisu e na siga e na rairai mai kina.

Na cava e na yacovi ira na tamata i valavala ca e na siga e na lako mai kina ko Jisu?

 Oqo e dua na taro eda na vakataroga tu beka ena so na gauna ni da vakasamataka

?A sa lako tani yani na lomalagi me vaka na i vola balavu sa vivigi vata; a sa kau tani mai na nodra i tutu na ulunivanua kecega kei na yanuyanu kecega. Ia, ko ira na tui kei vuravura, kei na tamata era kena turaga, kei na tamata vutuniyau kei ira kece na bobula, kei ira kecega na i taukei, era sa vunitaki ira e na veiqara kei na veiuluvatu e na vei ulunivanua.

A ra sa kaya ki na vei ulunivanua kei na vei uluvatu, lutuki keimami ka vunitaki keimami mai na mata i koya sa tiko e na i tikotiko vakaturaga, mai na nona cudru talega na Lami.?  me vaka e kaya na i Vola Tabu ena Vakatakila 6: 14-17.

?E na qai vakaraitaki na vu ni ca koya, o koya e na vakarusa na Turaga e na tebe ni gusuna ka vakaotia e na nona lako vakarairai mai.? 2Cesalonaika 2: 8.

O ira na tamata i valavala ca era na raici Koya ni na lako mai na vei o ni lomalagi, era na kidroa ka rere, ka ra na cici kina vei ulunivanua me lutuki ira, ia, e na vakarusai ira na serau ni Turaga e na Nona lako mai.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.