Me ka ni yalo na soli ki na lotu UNAISI RATUBALAVU | Monday, May 15, 2017

E SA na veivosakitaki oti ena bose ni wasewase ena loma ni Lotu Wesele na nodra nanuma na vavakoso me baleta na soli e dodonu me solia e dua na lewenilotu ena veiyabaki.

Me vaka na kena sa laki vakaraitaki ena nodra bose vata na i Talatala Qase ena vula o Evereli, ena Centenary, e so e ra sa nanuma ni dodonu me sa na toso cake mai na $15 ki na $30.

Na kena oqo e veivosakitaki talega ena bose ni wasewase e Suva, ka ra sa loma vata kina, ni soli oqo me na vakatau ena veika era vinakata na lewenilotu.

?O keitou na Wasewase o Suva, e sa na vakatau saraga ena lomadra kei na nodra i vakarau ni soli na lewenilotu,? e kaya o Talatala Eroni Moce na iTalatala Qase ni Wasewase o Suva.

Vakadeitaka o Talatala ni ulutaga oqo e sega soti sara ni veivosakitaki vakabalavu, baleta ni o ira na lewenilotu, era sa kila tu ga na yaga kei na veika era vakila ni ra solia na nodra i yau ki na cakacaka ni Kalou.

?Vei keitou e Suva, kevaka e dua e via solia me sivia na i okaoka oya, e soli tu na galala.

?Ka sega ni vakataotaka na nomu mai lotu na soli e dau lavaki mai ena vuku ni lotu,? e kaya.

E na macawa sa oti, e sa tomana tikoga na Wasewase o Suva na nona cavuikalawa ena buturara ni bisinisi.

Na kena mai dola oti na vale ena redetaki, ka nanumi ni na rawata tiko mai e $100,000 ki na Tabacakacaka o Suva.

E na yabaki talega oqo, e sa toso tiko na Lotu Wesele ena kena vakaduri eso na bisinisi lelevu ena saravanua, na veivakatoroicaketaki ni qele kei na taba vale, me sa tekivutaki ena yabaki ka tu mai.

 Eratou qarava tiko na bisinisi ni lotu o iratou na kena dau me vakataki Laisenia Qarase, Sereana Qoro, Ratu Jone Kubuabola kei na so tale.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.