Cegu na waqadomo VILIAME ODRO | Monday, May 15, 2017

E SEGA ni tarova rawa na tuturu ni wai ni matana o Amani Qamuqata e dua na turaga mai na koro ko Narokorokoyawa, e na Tikina o Noimalu e na nona raica ni ratou sa kele yani e na yasa ni koro ko Korovou e tolu na keria kei na dua na lori nodratou na Tabana ni Teitei mai Lomaivuna.E SEGA ni tarova rawa na tuturu ni wai ni matana o Amani Qamuqata e dua na turaga mai na koro ko Narokorokoyawa, e na Tikina o Noimalu e na nona raica ni ratou sa kele yani e na yasa ni koro ko Korovou e tolu na keria kei na dua na lori nodratou na Tabana ni Teitei mai Lomaivuna.

E kaya o Qamuqata ni taumada na nona vakavinavinakataka na nona bula vua na Dauniveibuli e na kena vakavoci tiko mai me yacova mai na siga o ya, ka kena i karua na nona vakavinavinakataka na kena sa tutaki ka yavalati na nodra Bose ni Tikina me baleta na nodra gaunisala.

?Kevaka me?u qai mate ni mataka, au sa na gole yani e na vakacegu, niu kila ni sa na qai oti vakadua na waqadomo era se cakava mai na tukai keimami vakavica, ka yacovi keimami mai na i taba tamata e na gauna oqo,? e kaya.

Tomana o Qamuqata ni vakavinavinakataki rau vakabibi sara o Ratu Josaia Qereqeretabua na i liuliu ni Yavusa e na koro ko Narokorokoyawa kei Ratu Rusiate Roragaca na Vunivalu e Korovou, e na nodrau tokona sara vakabibi na nodratou Bose ni Tikina, ka cakacakataki sara e na kena gauna totolo duadua.

Kuria o Qamuqata ni sa dau vakaloloma dina e na nodra sa dau sobu na lewe ni tikina ko Noimalu e na yasa ni koro mai Sawanikula, ka ra qai dau colacola cake na nodra i yaya ni volivoli, takosova na uciwai na Wainimala, ka taubaletaka na veidelana kei na veitokaitua me yaco sara ki na nodra dui koro.

E tomana ni so na gauna me dau takosova tu na ose na veivatu e na uciwai na Wainimala, ka qai sisi na yavana, era sa na wadra wale tu ga ni ra sa kuitaki na taga falawa se taga suka ka vesu vata toka kei na ose. Tomana na turaga yabaki 76 oqo ni sa vuku ga na Kalou ni dau vunia na ka.

?Au sega vakadua ni tadra ni na dua na siga e na basika mai kina na gaunisala e na neitou yasa ni koro.

?Ia, na siga e dai e sa dua na siga e reki kina vakalevu na yaloqu, ka niu sa sega tale ni qai tadra tiko, ni oqo e da sa veirai sara ga  ena matana votu. Da raica na yaga ni gaunisala e sa kele mai kina oqo e na yasa ni koro o Korovou na nodratou lori na Tabana ni Teitei mai Lomaivuna e na nodratou kauta mai na neimami vakabulabula ni teitei kei na wainimate ni co ca.

?Oya gona na yaga ni kena ta mai na gaunisala e na neimami i tikotiko, me rawa ni vakarawarawataka na gagadre e tasogo tu mai vei keimami e na dua na gauna balavu,? e kaya.

Sa vakanuinui tiko o Qamuqata ki vei ira na lewe ni tikina o Noemalu, ni na sega ni yaco ga e Narokorokoyawa na gaunisala, ka ra na cuqena tiko na soli me rawa ni la?ki tasevu sara ki na i otioti ni koro ko Tubarua.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.