Kerei me kau laivi UNAISI RATUBALAVU | Monday, May 15, 2017

ESA kerea e dua na vakailesilesi ni Amnesty International vua na Sipika e Palimedi me na vakayagataka na nona kaukauwa e virikotori tu ena lawa ka me na kua ni tomani na rogoci se na kena rawa ni pasitaki e dua na lawa vakaturi ka sega ni dodonu kina me dua me na vakadiloya se tukuna e dua na ka e sega ni vinaka vei ira na lewe ni Palimedi.

E kaya o Kate Schuetze ni lawa vakaturi oqo, e virikotori tu kina e levu tale na kaukauwa vakalawa vei ira na lewe ni Palimedi era tiko ena Bose Lawa ena vukuda na lewenivanua raraba.

E tomana o Schuetze ni kevaka ena vakatarai na lawa vakaturi oqo me sa lawa, ena dua toka na veitalanoa vinaka ka levu na ka e na vure mai ni da vakavakarau tiko na lewenivanua ki na veidigidigi levu ena yabaki ka tu mai.

E kaya ni kauwai sara ena veika e sa yaco tiko oqo, ka sa qai solia ga e levu na kaukauwa vakalawa vei ira na daunipolitiki kei na Palimedi me na cakava na veika era cakava, ka ra sa via taqa tale tu e cake ena dela ni lawa.

E sa na sega ni qai tiko e dua na gaunisala me da na vakatarogi ira kina na lewe ni Palimedi ena vuku ni tuvatuva kei na veika e dodonu me caka.

Kena i balebale, e sa na solia saraga na dodonu vei ira na lewe ni Palimedi me ra na cakava ga na veika era via cakava kei na ka era na via tukuna, e kaya o Schuetze.

E kuria na marama ni Ositerelia oqo, ni veika e caka qo e tarovi keda tiko na lewenivanua, se o keda na saumi vakacavacava ena noda galala ni taro se vaqaqa e dua na ka e kauwai kina na noda bula kei na noda dodonu ni tamata yadua. Vakadeitaka ni kevaka ena vakadeitaki se pasitaka na lawa vakaturi oqo ena loma ni Bose Lawa, ia e dua na lomatarotaro ena tarogi ena vuku ni dodonu kei na galala e virikotori tu ena noda Yavu Levu ni Vakavulewa.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.