Sasaga yaga VILIAME ODRO | Monday, May 15, 2017

ENA loma ni dua na macawa e na veivula kece, e sa dau vagalalataki tiko me gauna vakatabakidua ga ni cakacaka vakoro.

E vakamacalataka toka e na Na i Lalakai o Apenisa Kobakobau na turaganikoro e na koro ko Savu, e na Tikina o Vugalei e na yasana o Tailevu, ni i tuvatuva oya era sa bosea oti vakoro ka sa vakamuri sara tikoga me yacova mai na siga e daidai.

E kaya o Kobakobau ni tolu na macawa e na loma ni veivula era dui qarava kina na nodra i teitei, ka vakakina na veicakacaka tale eso, ia, na i katolu ga ni macawa era sa qarava sara ga kina na cakacaka vakoro.

?O ira na turaga kei na cauravou era tara na neimami valevakoro, o ira na marama era sasamaki kei na veika matailalai tale era qarava me baleta na koro.

?Niu vakadikeva tiko na solesolevaki keimami vakayacora tiko oqo, au raica ni dua na tamani toso levu, mai na cakacaka vakoro e na loma ni dua ga na siga, e na dua na macawa,? e kaya.

E kaya o Kobakobau ni matai ga ni nodra valenisoqo e dua na turaga ni Naimasimasi, ka ra qai veivuke ga na cauravou e nakoro.

Kuria ni i lavo e tosoi tiko kina na nodra valenisoqo, era tara sara ga mai nodra taga, ka sega ni dua na veivuke e gole yani e tuba.

?Me yacova mai na gauna oqo, keimami sa vakayagataka oti e $250,000, a ya na kedrai i sau na cauravou kei na matai, ka vakakina na i sau ni kakana e ra vakayagataka tiko e na veisiga. Kevaka e donu na neimami i tuvatuva, au vakabauta tiko ni loma ni tolu se va na macawa mai oqo, e sa na dolavi kina na neimami valenisoqo,? e kaya.

Tomana o Kobakobau ni rauta ni 60 na vale e tiko e na nodratou koro, ka 300 vakacaca na lewe ni koro, e ra bika tiko na dela ni yavu.

Tinia na nona i vakamacala o Kobakobau ni lawa ni koro e vakatututaki tiko e na gauna oqo, era sega soti ni kauwai kina, ka ni dau vakadreta tikoga o koya vei ira na nona lewe ni koro, me ra kubeta matua tikoga na lawa ni koro makawa, baleta ni vakavulica vinaka na bula vakaivakarau, ka ra se dau cakava ga mai na noda qase.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.