Revurevu ni bomu VILIAME ODRO | Monday, May 15, 2017

KEIMAMI nanuma sara ga de lutu mai dela ni vuravura na bomu se kasi gaga ka vakalutumi mai na yanuyanu ko Kirisimasi, volekati Kiribasi, ka keimami la?ki waraka e na yabaki 1958, ia, keimami sega ni kila ni biu ga mai loma ni macawa, ka ra veikauyakitaki koya tu ga na cagi e maliwa lala.

E vakamacalataka toka na  veika oqori o (18412) Marika Degei e na nona loma ni vale mai na koro ko Naivucula, e na Tikina o Wainibuka e na yasana o Tailevu.

E kaya o Degei ni gauna e se qai yabaki 31 kina, sa curu sara kina mataivalu ni noda vanua, e na i lakolako ki na yanuyanu ko Kirisimasi e na yabaki oya.

?Keimami lewe ni lakolako oya e 147 na sotia, ka 206 na mataivalu e wai (navy). Gauna keimami biuta kina na noda vanua, e vakaraitaki vei keimami ni keimami na la?ki sasamaki e na yanuyanu ko Kirisimasi ni oti na i karua ni valu levu ni noda vuravura,? e kaya.

Tomana o Degei ni ra sa yaco yani e kea, sa vakaroti sara vei ira me ra namaka tiko ni na vakalutumi mai na yanuyanu oya e dua na bomu, ka me ra qaqarauni tiko e na veigauna kece.

?Na siga e sa tagi kina na alamu, ka vakaraitaka ni sa vakarau vakalutumi mai na bomu, keimami sa cici kece sara e matasawa ka vakararai cake tu ki lomalagi. Dede ga vakalailai keimami sa raica sara ni sa vanataki mai e na waqavuka. Na ka ga keimami drukataka ni sega ni tau sara mai e na dela ni vuravura, ka ni ra kauta wavoki tu ga na cagi mai maliwa lala,? e kaya.

Kuria o Degei e rairai na vuna beka oya e mai tauvi ira kina e so na i revurevu ni bomu me vakataki koya ni sa mai boko ruarua toka na matana.

Ia, e vakavinavinaka vakalevu sara ki vua na i liuliu ni noda matanitu na turaga yabaki 91 oqo, ni ra bau nanumi na noda sotia lesu mai na yanuyanu o Kirisimasi e na dua na i lavo me rawa ni ra vukei kina kei ira na nodra matavuvale e na yabaki 2015.

E na gauna oqo era se bula tiko e 36 na sotia lesu mai Kirisimasi kei na 78 na radini sotia.

Sa nuitaka tu o Degei ni na dau nanumi ira tiko na noda sotia luvaisulu na matanitu e na veigauna kece sara.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.