Vosa na gata VILIAME ODRO | Monday, May 15, 2017

SA MAI yala toka na noda i talanoa e na gauna e sa la?ki curuma kina e dua na qase, o koya na gata, ka kacivi ira kece na vakatara tiko na tabu e na dua na vale. Ni tei wiliwili sara yani:

E VAKAMACALATAKA o Naqesa, ni gauna era sa tiko kece kina na kacivi mai na yacadra, sa ra qai dau vosataki yadudua e na nodra vakatara tiko na vakatatabu ka sa duavata kina na koro.

?Qo e vaka me sa neitou vu tale tiko o koya na gata, raica mada na nona mai curuma sara e dua na tamata, ka ra vosataki na vakatara tiko na vakatatabu ni koro.

?E kila li vakacava o koya na yacadra na tamata era vakatara tiko na tabu? Au vakabauta ni kaukauwa e tiko vua, e kilai ira kina na vakatara tiko na tabu, dina madaga ni tikoga mai wai, ia, e sega vakadua ni cala na yacadra na dau vakatara tiko na vakatatabu.

?O ya na i talanoa e talanoataki vei keitou ni dau mai curuma e dua, ka ra vosataki na vakatara tiko na tabu, ka vakakina o ira na dau vakasausa e loma ni koro,? e kaya.

Tomana na i talanoa oya o Mosese Volavola na turaga ni koro ko Nasolo, e na nona kaya ni nona turaga i tubutubu talega e bau dua vei ira na gunu wai ni bele vei koya na gata e na gauna e se cauravou voli kina, ka ni bau dua toka na turaga vosalevu.

E kaya o Naqesa ni sa toso tiko na bula nei Tevita, ka bula tiko ga i wai o koya na gata.

?Na neitou vu qo e dau matau no vua na vakasagai ira na yalewa ni ra sisili tiko, me vaka ga na i vakarau ni dua na cauravou e na vakasagai ira se na wedevi ira tikoga na gone yalewa e na nona gauna ni bula vaka cauravou.

?So na gauna e dau soli vukivuki vei ira na gone, oya me dau tubu mai vakasauri e dela ni wai, cocowiriwiri i macawa qai, dokaulu sobu tale ki wai, ka ra dau veidredrevaki toka yani na gone e na vanua mamaca,? e kaya.

Kuria o Naqesa ni dua gona na siga era sili kai tiko na marama e na wai ga e yasa ni koro, ka ra vakaliliga tiko na nodra vokete ni kai e na vuvu ni jaina ka mai vakaciriciri no yani e dela ni wai.

?E dua na ka e dau matau toka vei neitou vu (gata) oqo, sa i koya, me dau tokalulu,? tomana o Naqesa.

A mani raica sara mai o koya, ni ra silikai tiko na marama, sa qai vakacuruma mai na maliwa ni vuvu ni jaina ka ra mai lili vakavinaka sara tu e tolona na vokete ni kai.

Ena qai tomani tale yani

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.