Moce Ratu VILIAME ODRO | Monday, May 15, 2017

ERA sega ni tarova rawa na tuturu ni wai ni matadra na mata veiwekani era tiko rawa e na lotu ni veibulu vei Qasenivuli Vakacegu Ratu Vuniani Cavuilati mai na koro ko Verata Wailevu, e na gauna sa lagata kina na nona sere ni lotu ni vakamoce na ?Dad has gone away? o Ratu Mua Cavuilati, na luvena tagane ki vei nona Ratu e na i otioti ni gauna.

Ni se bera ni lagata na nona sere o Ratu Mua, taumada na nona vakavinavinakataka vakalevu na Kalou Levu ko Jiova e na nona vakarautaka vua kei iratou na tuakana, e dua na nodratou i tubutubu vinaka.

Kuria na nona kere veivosoti ki na koro ko Verata kei na i Wasewase ni Lotu Wesele, e na yasana o Naitasiri, ke so na ka e dau cakava se vosataka o nona Ratu, e mavoa kina na yalodra na lewe ni koro, se na i Wasewase ni Lotu, sa kerea o Ratu Mua me ra sereki koya e na nona i lakolako e da na muria kece na vo ni bula.

?Sa rui levu na i colacola e dau tutaka vei kemuni na lewe ni lotu, dina ni Tuirara, ia, au kerea na nomuni veivosoti ni o koya e dau vinakata me yaco ga na lomana.

?Au via vakavinavinaka talega vei kemuni na dau veisiko yani i valenibula.

?Dua na nona i tatau o Ratu vei au, me?u lotu tikoga e na Wasewase o Naitasiri, me rawa ni semati tikoga kina na veiwekani, dina ni sa gole na neitou Tabacakacaka ki na Wasewase o Nausori, Kuku. E dau dre ga o Ratu na nona mua, veitalia se o cei, se o cei tale, qai o lewa ga, kevaka o sega ni muri koya, e sega sara ga ni dua na ka vua,? e kaya.

Tomana o Ratu Mua ni gauna e rawata mai kina na koula ni viritaki ka bibi (shotput) e na nodra qito na gonevuli, e cicivaka sara i valenibula vei nona Ratu, ka sega tiko ni kila, ni oya e sa i otioti ni gauna e rau na raica vata kina.

?E vakavinavinakataki au ga mai, kau raica ni drodro mai na wai ni matana,? kuria o Ratu Mua. E vakavinavinakataka talega o Ratu Mua vei rau na nona Ratu kei na marama tinana e na veisusu e rau dau cakava vei iratou na luvedrau me yacova mai na gauna oqo.

Tinia na nona vosa o Ratu Mua ni nanuma sara ga ni na bula balavu na nona Ratu, ia, e sega ni kila ni sa rawati koya sara ga na bibi ni mate ka mai leqa kina e na siga Tusiti na i ka 26 ni Evereli e na vula sa dromu.

n Tomani e na TABANA 10, 11

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.