Walewale vou VILIAME RAVAI | Monday, June 19, 2017

ESA na dua na i walewale vou ni tuvatuva ni qito e ratou sa na matanataka na noda matatimi ni rakavi tinikalima ni Viti oya na Vodafone Flying Fijians ka me rawa ni tarovi Itali kina ena nodrau na sota tiko ena Vakarauwai qo ena ANZ Stadium e Suva.

E tukuna o John McKee na dauniveivakatavulici ni timi ni Viti ni na vakatau mai na mataqali qito cava ena vakayacora o Itali nai tuvatuva ni qito me ratou na qitora na nona cauravou.

E kuria o McKee ni macawa qo e dua tale na qito levu ena sota kei Itali ka duidui toka na qito qo kei na nodratou vakarau ni qito ena sota kei Ositerelia.

E ratou na cakacakataka talega vakavinaka na vanua e ratou a malumalumu kina ena sota kei Ositerelia.

Ia, e vakaraitaka ko Andre Bell na dauveivakatavulici ena i yatu e muri ni levu sara na ka e ratou vulica mai ena sota kei Ositerelia ena nodratou na sotavi Itali ena macawa qo.

E kaya ni ratou a qito na cauravou ena nodratou matanataka na veika e ratou kila.

E kuria o Bell ni macawa qo e ratou na tovolea me ratou na qito sara vakavinaka.

Ia, esa cakacaka sara tiko vakaukauwa o Bell kei na tabana ni tataqomaki ena kena vakadreti eso na vanua ka laurai ni malumalumu ena sota kei Ositerelia.

E tomana o Bell ni oqo esa qai i tekitekivu ni gaunisala ka na dua na i lakolako vinaka sara kei na nona vakanuinui ni na dua na veisau levu ena basika ena sota qo kei Itali.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.