Rawa ni qaqa o Viti VILIAME RAVAI | Monday, June 19, 2017

NA sota kei na timi ni Itali ena Vakarauwai qo ena veivuke ena nodratou vakavakarau na timi ni Vodafone Flying Fijians ena vo ni tolu na qito lelevu e tarava.

Ni oti na nodratou mai druka ena 37 kei 14 vei Wallabies, e dodonu me ratou sa na taucoko na noda cauravou ena i valu ka tarava qo, ka gauna vinaka ni nodratou na vakarautaki Sikoteladi, Toga kei Samoa kina.

A druka na timi ni Itali vei Sikoteladi ena 34 kei 13 mai Sigapoa ena mua ni macawa sa oti ka ratou nakinaki talega kina me na talave cake na nodratou i dabedabe ena vatavata ni tuvatuva ni timi ena Qito ni Vuravura oya me ratou na qaqa ena qito oqo e Suva.

Na timi ni Viti e dabe tiko ena i ka tini ni itutu, Itali ena i ka 15 ni itutu, Samoa ena i ka 14 ni itutu, Toga ena i ka 13 ni itutu, Sikoteladi ena i ka 5 ni itutu.

Ia, e vinakata o John McKee na dauniveivakatavulici ni timi ni Vodafone Flying Fijians me ratou na qito vinaka ka totolo ena sota kei Itali.

E tukuna o McKee ni da vakaraica toka na i tuvatuva ni timi ena qito esa qai oti qo, ena rawa ni noda vakanananu ni timi malumalumu na timi ni Itali, e kaya ni sega ni tiko ena nona vakanananu oya.

E kuria o koya ni dodonu me ratou na qarauna na timi ni Viti na qito ena Vakarauwai qo, ka ratou na cakacaka tiko ena so na vanua e ratou a malumalumu kina ena qito mai Ositerelia ena macawa sa oti.

E tukuna o McKee na i vakarau ni qito nei Itali, e vakabauta ni rawa ni madigi nei Viti me na vakatotolotaki na polo kina na vanua e vinakati tiko.

E namaka talega o koya ni na caqeta tiko vakalevu na polo o Itali ena gauna ni qito, ka na rawa ni vakavuna tiko na nodratou kabakoro na nodratou cauravou.

E kuria o McKee ni na mai curu talega o Patrick Osbourne ena timi ni Viti ni oti na nona vakaitavi ena nona timi mai Niu Siladi, ka vaka kina o Josua Tuisova.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.