Qito ena vuku ni semi-fainala VILIAME RAVAI | Monday, June 19, 2017

ENA dua na sota kaukauwa na nodrau na qito tiko na timi ni Suva kei Nadi ena i otioti ni wavoki ni sotasota ni Skipper Cup. E rau na veiqati tiko na timi e rua me rau na vakadeitaki rau ena sota ni semi fainala.

Ia, e tukuna o Lasaro Rabaka na manidia ni timi ni Nadi ni na dredre toka ka ni ratou sa volekata toka yani nai cavacava ni sotasota. Ia, ena dua tale na qito kaukauwa e rau na sota kina na timi ni Namosi kei na timi ni Northland, kei na timi ka liu tiko ena poidi oya na timi ni Naitasiri e na sota tiko kei Malolo.

Ia, ena sega ni leqataka sara o Nadroga na nona na cabe cake ena semi fainala ka ni na sota tiko kei Macuata.

Na i kavitu ni wavoki ni Skipper: Suva kei Nadi, Nadroga kei Macuata, Malolo kei Naitasiri, Namosi kei Northland.

Ni da dewa kina sotasota ni 'Vodafone Vanua Battle' esa na gole tiko ki Savusavu na timi ni Rewa ena sota kei Cakaudrove ena i otioti ni wavoki ni sotasota qo. Ia, e vakaraitaka ko Eliki Vakadranu nai vukevuke ni dauniveivakatavulici ni timi ni Cakaudrove ni ratou sa vakanamata tiko ka vakarautaka na nodrau na sota kei na timi ni Rewa.

E rau na sota tiko na timi ni Tailevu kei na timi ni Nasinu ena wavoki tarava qo. Mai na yasayasa vakara e rau na sota tiko kina o Lautoka kei Navosa me na qai macala kina o cei ena qaqa mai kea.

Na timi ena qaqa vei Lautoka kei Navosa esa na gole cake tale ena yabaki vou ena sotasota ni Skipper.

Nai kavitu ni wavoki ni sotasota ni Vodafone Vanua: Nasinu kei Tailevu, Cakaudrove kei Rewa, Ovalau kei Bua, Serua kei Northern Bulls, Yasawa kei Ba, Nanukuloa kei Tavua, Navosa kei Lautoka, Ra kei Vatukoula.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.