E tu vakadua na matanisiga ena gauna i Josua UNAISI RATUBALAVU | Monday, June 19, 2017

ENA nodra vakadidike na vuku kei ira na daunivakekeli mai Isireli, era qai vakadinadinataka na i talanoa ena i Vola Tabu ena nona tu vakaduataka na siga na Kalou, me vaka e volai ena i vola i Josua wase 10.

E na tabana ni tukutuku na Charisma News, ni dina na i talanoa oqo, ena gauna e rau veivaluvaluti tiko kina o ira na mataivalu ni Isireli kei ira na Amoraiti e Kipioni.

Oqo ena nona vosa o Josua ka rogoca na nona vosa o Jiova ka kaya me vaka e volai ena Josua 10: 12-13

'I matanisiga, mo tu vakadua e delai Kipioni, Kei iko na vula mai na buca o Eijaloni.'

A sa tu vakadua na matanisiga, ka sega talega ni toso na vula me yacova ni ra sa ravuti kece na kedra meca na Isireli.

Sa volai na ka oqo ena i vola i Jasari.

A sa tu vakadua na matanisiga ena lomadonu ni lomalagi, ka sega mada ni dromu me dua taucoko na siga.'

E qai kuria na i Vola Tabu ena tikina e 14, e sega mada ni bau yaco vakadua e liu, se ena dua tale na gauna mai ki muri me dua na siga me tautauvata na siga talei oya, ni sa vakarorogo kina o Jiova ki na nona vosa e dua na tamata. Sa totaki ira na Isireli o Jiova ena i valu!

Ena nodra vakadidike na vuku kei na tabana na NASA, e ra qai raica ni dina taucoko na i tukutuku oqo, ni dua na siga mai na yabaki 1500 kei na 1000 ni bera ni sucu na Karisito, a mai tu vakadua kina na matanisiga me dua taucoko na siga.

Oya na kaukauwa kei na nona vakaraitaka tiko na noda Kalou ni se Kalou levu tikoga, ka vakaraitaka talega na siga e vakarogoca kina e dua na turaga na Kalou o Jiova, e kaya tiko na ripote oqo na Charisma News.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.