Me dei na nomu vakabauta UNAISI RATUBALAVU | Monday, June 19, 2017

Aisea 2: 3 NI na lako yani mai Saioni na i vunau kei na Vosa i Jiova mai Jerusalemi.For out of Zion shall go forth the Law and the Word of the Lord from Jerusalem and the Word of the Lord from Jerusalem. Ki Mitzion Tetzei Tora- Udivar Adonai Mirushalayim.

Ni sa bula vinaka tale mai na wekaqu lomani- mai na noda loma ni yasana e 14 ni noda vanua.

Au kidavaki kemuni tale tiko yani oqo ena yaca talei ni goneturaga ko Jisu Karisito.

Ni bula vinaka mai- Sa Ara na Yadra. Ena same 125 e kaya na nona vosa, O ira era sa vakararavi vei Jiova, era na vaka na ulunivanua ko Saioni, o koya sa sega ni yavavala rawa, ka sa tu ga me sega ni mudu.

E se qai lako siviti keda tikoga oqo na macawa ni Penitiko, se na macawa ni sovaraki ni Yalo Tabu.

Ena vuqa saraga na gauna au dau vakaitavi tiko kina- au dau tarogi ira e na taro oqo,' O cei sara mada e kila na vanua e sovaraki kina na Yalo Tabu'

Eso era sauma mai vei au, era tukuna ni sovaraki na Yalo Tabu e Isireli, eso era tukuna ni o Jerusalemi.

E rawa ni donu ruarua na i sau ni taro koya, io, au sa via vakadeitaki keda na lewenivanua ko Viti se e vei na vanua e sovaraki dina kina na Yalo Tabu.

E sovaraki na Yalo Tabu ena ulunivanua ko Saioni e Jerusalemi) na koro turaga kei Isireli). Na ulunivanua ko Saioni na ulunivanua cecere.

Oqo na i drodro ni valu nei Isireli. Na ulunivanua oqo e tiko kina e dua na vale tabarua.

Nai matai ni tabavale e tiko kina na i bulubulu kei Tevita, na i karua ni tabavale e cake, e sovaraki kina na Yalo Tabu.

E sovaraki na Yalo Tabu ena 'upper Room' e cake.

Na ulunivanua oqo ko Saioni -sai koya saraga oqo na very special spot o koya e sovaraki tiko kina na Yalo Tabu.

Na ulunivanua oqo e tikoga e Jerusalemi, sai koya na korotabu kei Isireli.

Na ulunivanua talega oqo era bulu tiko kina o ira na nodra Qase na Isireli.

Na veiyasai vuravura cava ga era tiko kina na Jiu- ena dau mositi ira tikoga na ulunivanua tabu oqo ko Saioni.

Ena Same 137- Mai na uciwai mai Papiloni eda a tiko sobu, io, eda a tagi, ni da a nanumi Saioni. E dina ga ni ra a tu vakabobula tiko e Papiloni-io, era sega ga ni guilecava vakadua na nodra yavutu se na ulunivanua ko Saioni.

Na ulunivanua tabu oqo ko Saioni, kemuni na wekaqu- ni da raica tiko vakaoqo, eda sa na rawa sara tikoga ni vakila na kaukauwa e tiko vua.

Na i ulutaga ni Same 125 e vaka koto oqo, A nodra vinaka ko ira era vakararavi vua na Kalou.

Ni o sa vakadeitaka tikoga na nomu vakabauti koya na Kalou ka vakararavitaka tikoga na nomu bula vua ena veigauna kecega, ena ka dina na ulunivanua o Saioni, o koya sa sega ni yavavala rawa, ka sa tu ga me sega ni mudu. Emeni.

Ena qai kuri tale yani.

Vosa vaka- Iperiu me da na vulica: i) I am hungry- ani raev

ii) I am thirsty- ani tzame

iii) Breakfast- aruhat bokar

iv) Lunch- arunhat tzohorayim

Na noqu naba ni talevoni na 9204915/ 9590439.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.