Na Domo ni Parofisai mai na Lotu i Kavitu VILIAME RAVAI | Monday, June 19, 2017

ESA koto oqo era nai kuri ni itukutuku ni Domo ni Parofisai mai na Lotu i Kavitu ni Lesu Vakarua Mai, ni wiliwili sara yani.

E daidai sa tu na veimataqali waqavuka lelevu, me ra vuka sivita e 1000 na maile e na dua ga na aua.

Ko Joni Qeleni (John Glen) kei ira tale eso era vuka wavokita na noda vuravura e na rokete e na 1800 na maile e na dua ga na aua. Vakasamataka mada koya.

E tautauvata ni lima na maile ena dua ga na sekodi, se ni pamu vakadua na nomu uto. Ia sa gauna dina ni nodra veiciciyaki na lewe vuqa me vaka e kaya nai Vola Tabu.

E daidai sa ka totolo sara na nodra veilakoyaki na tamata. Ia, e na gauna e liu e dau taura sara e vica na yabaki e na kena sokoti wavokiti na vuravura e na waqa vakalaca.

Na waqavuka e rawa me vuka wavokita na noda vuravura e na va na siga. Oqo sa i vakayacori sara tikoga ni parofisai ni kaya, ?E ra na veiciciyaki na lewe vuqa ka na vakalevutaki talega na vuku.?

Na totolo ni veitosoyaki e daidai, sa vakatotolotaka talega na kena dewa ni kosipeli. Sa ka totolo sara na nodra veilakoyaki na i talatala ka kauta vata kei ira na vosa ni Kalou.

A cava e kaya na i Vola Tabu ni ra na veiciciyaki e gaunisala e na i otioti ni gauna?

?Sa lako vakaivalu tu na qiqi ni valu, e na gaunisala sa veiciciyaki e na salatu, sa ra na rairai vaka na cina sa vaka na liva na kedra cina.? Neumi 2:3, 4.

Na motoka kei na basi era sa vaka na qiqi kaukamea ka ni ra caka e na kaukamea, ka ra veitosoyaki tu vakatotolo e na veigaunisala.

Na veika vovou oqo sa vakayagataka na Kalou e na kena vakatotolotaka na i tukutuku vinaka.

E a vakaraitaka vei Taniela ni na vakalevutaki na vuku.

E a vakaraitaka vei Taniela ni na vakalevutaki na vuku. E na nodra vuli ka na tamata era sa cakava kina e vuqa na veika vovou me vaka na talevoni, kato ni vosa, yaloyalo yavala, livaliva, misini ni culacula, idini, talevoni veikauyaki (mobile), kei na misini ni taba i vola veikauyaki (lap top).

Na retio kei na retio yaloyalo sa vakayagataki vakalevu e daidai e na kena vakatetei ni kosipeli. Na veika vovou oqo era kunei rawa ena loma ni 100 na yabaki sa oti. Eda sa tiko dina ena gauna ni vakataotioti ka sa voleka dina mai ko Karisito.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.