Sega ni duavata: Chong UNAISI RATUBALAVU | Monday, June 19, 2017

E rua na tiki ni lawa vakaturi ena lawa ni koro e vakabauta na I liuliu ni lotu Katolika e Viti ni ratou sega ni duavata kina.

Ena nona vosa tiko ena tabana ni tukutuku o Ajibisopi Peter Loy Chong e vakaraitaka ni dua na matailawalawa ena vakasokumuna mai na nodra rai na lewenilotu, ni bera ni ratou na biuta talega na nodratou vakatutu ki na matanitu me baleta na lawa ni koro.

E vakaraitaka ena dua na nodra bose na lotu, vakaraitaka ni sega ni duavata kei na tikina e virikotori ena lawa vakaturi ni koro me baleta na i ulutaga ni komiti ni lotu.

Na tiki ni lawa vakaturi oqo e vakamacalataki kina oya na kena biu vata e dua na komiti ka me ra lewena na mata mai na veimatalotu e tiko ena koro ka me:

i) raica na nodra vakamuria na lewenilotu na Bose Vakoro kei na Bose Vanua;

ii) na kena dokai na i tovo ni vanua ka colati na kena i tavi.

Na i karua ni lawa ni koro e raica toka o Ajibisopi Loy Chong, oya na kena tauyavutaki ni dua na matalotu.

i) Na kena lawa e vakatututaki tiko oqo e tukuni kina oya me na dua na i vola kerekere me na soli vua na Turaganikoro; ka me veitalanoataki ena Bose Vanua.

ii) Na i vakavuvuli kei na vakabauta vakalotu me na salavata kei na bula vakaitaukei

iii) Ka me na tutaka na dikiri ni Basulawa.

Ena vula sa oti, esa biuta oti kina na Lotu Wesele na nodratou vakatutu kei na nodratou nanuma me baleta na lawa vakaturi oqo, ka levu talega na kena veitalanoataki na vakatutu oqo mai vua na Minisita ni Veika Vakaitaukei ka i Liuliu ni noda matanitu, Voreqe Bainimarama.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.