Tarovi me 4 na yabaki UNAISI RATUBALAVU | Monday, June 19, 2017

E dua na i tukutuku rogorogo ca na nodra sa na sega ni vakatarai o ira era gole mai ena veikoro kei na tikina ena veivanua e Viti, ni oti na kena vakau lesu mai na i tukutuku ena nodra sega sara ni laki vakayacora vinaka na nodra veiqaravi ena vuku ni veivakacakacakataki mai Ositerelia kei Niusiladi.

E na nona i tukutuku na Minisita ni Cakacaka, kaya o Jone Usamate ni so era sa sega ni laki qarava na cakacaka era a vakau kina, ka sa levu sara na rivote ni vakalutu cakacaka, na kena vakayagataki na yaqona ni valagi kei na nodra sega ni laki vakaraitaki vinaka ena vanua era sa veiqaravi kina.

Tukuna o Usamate ni ripote vakaoqo, e vakarogorogocataka na yaca ni noda vanua ka ra na loma tarotaro tale ki na veitabana ni cakacaka mai valagi, era dolava tu mai na katuba vei ira na lewenivanua e Viti.

E levu vei ira na laki cakacaka oqo ki Niusiladi era vakacakacakataki ena kabani me vakataki Provine, Bostok, Mr. Apple, Teamwork kei Apata.

O ira kece na koro kei na tikina e sa biu toka oqo vei ira na i totogi me va na yabaki, era na qai rawa ni curu tale ena veivosaki ni laki cakacaka ki valagi ena yabaki 2021.

Esa toka oqo na yacadra na veikoro kei na tikotiko vakagalala esa biuta oqo vei ira na vakatatabu na matanitu.

Tikina o Tuatua, Mudu e Lomaiviti; tikina o Dogoru e Wailevu, Nubu/Sasa o Tikina Nadogo, tikina o Vitina e Dogotuki, tikina o Lomaloma e Seaqaqa e Macuata; tikina o Makolei e Solevu, Tikina o Nasolo e Nadi mai Bua; tikina o Nakobo e Cakaudrove, tikina o Vatukarua kei Natuvu e na tikina Saqani e Cakaudrove; Davetalevu / Matacula / Nakorovou ena tikina o Namalata, Nadrano / Lawaki mai na Tikina o Namena, Luvunavuaka / Natalaira ena Tikina o Dawasamu, Nabulini ena tikina o Nailega, Namoka / Natuvatuvavatu / Nayavu ena tikina o Nayavu, Naivicula mai na Tikina Naloto, Natuva ena tikina o Taivugalei, Dakuinuku ena tikina o Sawakasa e Tailevu; Nadala mai naTikina Savatu mai Ba; kei o Wauosi mai na Tikina o Namataku e Navosa.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.