Qarauna na nomu volia na kau ni vale MATABOSE NI DAUVOLIVOLI | Monday, June 19, 2017

NA Matabose ni Dauvolivoli sa vakamamasu tale toka vei keda na Dauvolivoli me da qaqarauni ena kena dau voli ka ciqomi nai yaya, vakabibi na kena voli na kau.

Qo ni oti na kena mai ciqomi e dua na kudru mai vua e dua na dauvolivoli e na nona sega ni taura kece na nai yaya kei na kau me vaka na nona kerekere. E a kudruvaka na dauvolivoli ni a ota taka na kau ka biuta vata kei na kenai varau ia qai ka ni rawa rawa ni gauna mai ciqoma kina na kau e duidui mai na ka ka kerea taumada.

E dua tale na kudru mai ciqomi, ka ota taka e 33 na kau 16 na futi (4.8m) 4? x 2' ka qai vakarautaki ga e 25 ka duidui tu na kena balavu. A tarogi e dua na vakailesilesi ni kabani ni volitaki yaya ni vale ka sauma mai ni so na kau varo e balavu toka na kenai varau ka soqoni vata oya e tautauvata kei na veika e otataka taumada.

Ena nona veivakabauti na dauvolivoli sa mani sainitaka na risiti. Ia, qai ka ni kidacala vua na dauvolivoli ni sa vakayagataki tiko na kau, e raica ni lailai na kau ka mani sega ni vakaoti vakavinaka na veika ka nanumi me qaravi kina.  

Ka mani qai kudruvaka na dauvolivoli kina kabani ni volitaki yaya, ka mani tukuni mai vua ni sa sainitaka oti nai vola (delivery docket) ka vakadinadina ni sa tauri kece na iyaya.

Ena vuku ni vei kudru ka biu toka mai na matabose ni dauvolivoli, ka mani qaravi kina dua na vakadidike veiratou na lima na kabani dauvolitaki kauvaro e Suva me vakadeitaki kina na vu ni leqa. Mai na vakadidike oya e raici ni kabani kece e volitaka na kau ena kena levu taucoko, ia e dua ga na kabani e volitaka na kau ena veika se varau era solia se gadrevi yani

Kevaka e sega ni raica vinaka e dua na dauvolivoli na yaya sa kau mai, e rawa ni ra na vakacalai kina.

Me kua ni da vakacalai na dauvolivoli meda vakadeitaka ni sa i koya kece na kau varo eda a gadreva sa kau mai, me da qaqarauni na dauvolivoli ena noda rawa ni vakarautaka na balavu me veidonui kei na veika eda gadreva kei nai lavo sa voli kina.

Na kaci vei keda na dauvolivoli kece meda raica matua sara na nodai tavi me vaka e toka e na Sale of Goods Act 1985 tabana e 31 (1) ni kevaka sa volitaka e dua na dau veivoli e dua na iyaya ka lailai mai na ka e a saumi kina e rawa ni na vakasuka o dauvolivoli ia kevaka sa ciqoma na dauvolivoli na yaya e dodonu me na sauma na sau e lavaki kina.

Ia ni sa dau qaravi oti na sausaumi qai da via kudruvaka na yaya eda sa ciqoma oti, dau dredre qai toka tale e dua nai lavo e lavaki baleta ni na curuma na mataveilewai na kena sagai me wali.

Sa vakamamasu tiko na Matabose ni Dauvolivoli vei keda na dauvolivoli me da yadrava vinaka na kena ciqomi e dua na yaya. Ke tiko na lomatarotaro ena wiliwili ni yaya se na kena i tuvaki, me da tarogi ira na dau veiqaravi me vakamatatataki na noda lomatarotaro ni bera ni dua na sausaumi e caka.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.