Vakalesui ki koronivuli e lewe 193 na gone UNAISI RATUBALAVU | Monday, June 19, 2017

E laurai ni se levu tikoga na gone era sa vakacakacakataki dole ka rauta ni 193 na gone era sa kuria tale tiko na nodra vuli.

Me tekivu mai na yabaki 2011, e ra sa lesu tale na gonevuli oqo me ra laki tomana na nodra vuli ni oti na nodra kunei ni ra sa laki cakacaka tu me rawa kina na bula ni vuvale.

E vakaraitaka na i tukutuku oqo na Minisita ni Marama o Mereseini Vuniwaqa ena siga Moniti ka vakananumi kina na siga ni kena vakawabokotaki na cakacaka ni veivakalolomataki oqo vei ira na gone.

E kaya o Vuniwaqa ni mai cakacaka veivolekati sara na International Labour Organisation kei na matanitu ena kena vakarautaki e dua na porokaramu oqo e Viti ena nodra vakasukai lesu na gone mai na nodra vakacakacakataki dole ki koronivuli.

Na i tuvatuva oqo ni ILO kei na matanitu, era vakavulici kina e 250 na qasenivuli, ka lewe 200 na i liuliu mai na veisoqosoqo eso ena nodra vakararamataki ena ulutaga se na leqa oqo.

E kuria na nona i vakamacala o Vuniwaqa ni veivuke talega vakalevu ena kena vakawabokotaki na leqa oqo ena kena sa sauma na matanitu na nodra i curucuru ni vuli na gone kece e Viti me tekivu mai na sova ni vuli me yacova na Fomu Vitu.

 Ka tu talega na nona veiqaravi na matanitu ena kena vaqaqacotaki na vuli tara e Viti, ka me rawa kina ni ra vakaivola ena vuli era gadreva me ra vulica na noda i tabagone.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.