Gagadre ni vakatabui ni wainimate UNAISI RATUBALAVU | Monday, June 19, 2017

ESA saga tiko na Minisitiri ni Teitei me rau oka me yanuyanu bulabula ka vakatabui na vakayagataki wainimate o Kadavu kei Rotuma.

Vakadeitaka na i tukutuku oqo o Uraia Waibuta na i vukevuke ni Vunivola Tudei ni minisitiri.

E kaya ni i naki bibi ga vei ira na dauteitei ka bibi na cakacaka oqo, ena kena sagai me da vakani ena kakana bulabula na lewei Viti.

E tukuna o Waibuta ni sa toso tikoga na i tuvatuva oqo ena minisitiri, ka sa vakayacori talega na vuli kei na veivakararamataki vei ira na lewenivanua.

E na gauna oqo, e matai duadua ni yanuyanu e Viti me sa oka ena i tuvatuva vinaka oqo, oya na yanuyanu mai Cicia ena yatu Lau.

Vakadeitaka talega o Waibuta ni tiko na sala e dau vakamuri ni bera ni ra na qai vakadeitaki na yanuyanu tale e Viti ena tuvatuva oqo.

E dua na i tuvatuva e sa saga tiko na Tabacakacaka ni Teitei kei na Susu Manumanu, oya me sa kua ni vakayagataki vakalevu na wainimate eso ena noda veiqaravi oqo, ka me sa vakayagataki ga eso na sala e ra dau kila tu na noda qase me vaka me i vakabulabula ni qele.

Ena gauna oqo e rauta ni 172 na veimatanitu ena noda vuravura era sa toso tiko kina sasaga yaga oqo ni kena laurai ka vakadeitaki ni yanuyanu ka vanua bulabula na vanua era tiko kina ka teitei kina.

E na vula sa oti, e sa mai biuta vata e rua na i vola na i soqosoqo na FRIEND ena kena vakayagataki eso na sala duidui eso me rawa ni tubu bulabula kina na i teitei eda dui qarava tiko.

E tauri rawa talega na i tukutuku ni sa ciqomi oti ena bose ni yasana o Kadavu mai vei ira na turaga ni vanua na vakatutu oqo, ni oti na nona vakaraitaka o Rokoseru Nabalarua na i ulutaga oqo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.