Dina na raivotu VILIAME ODRO | Monday, June 19, 2017

NA VANUA somidi lailai oqo o Viti, e na yaco mai muri me na liutaka kina na noda vuravura, ia, e na mataka lailai nikua e sa yaco dina na raivotu ka a mai yalataka e na noda vanua o 'Pope John Paul II' e na nona a butuka mai na noda matasawa.

Na veiqaqa ni masu oqori e a cavuqaqataka tiko o Bishop Winston Halapua vei ira na lewe 100 vakacaca na lewe ni vanua ka ra vakaitavi e na kena samaki na bati ni wai mai na vanua ni vuli soko mai Vatuwaqa, kauta mai vaka oya ki Nasese, ka la'ki vakacavari sara e na valenivolavola ni FIRCA, e na kena vakananumi tikoga na macawa ni World Ocean Day.

E kaya o Bishop Halapua ni sa oti vinaka oqo e 31 na yabaki e sa qai vakavatukanataki na raivotu nei Pope John Paul II ka mai yalataka e na noda vanua e na yabaki 1986.

Na i balebale ni nona masu o Bishop Halapua, a ya ni macawa e vakananumi kina na World Ocean Day, e liutaka sara tikoga na bose se kena paresitedi tiko e na gauna oqo na noda Paraiminisita o Voreqe Bainimarama, ka liutaki vuravura sara tikoga e na gauna oqo.

E so vei ira na sasamaki e na mataka oya, era tomi benu e na veinuku e vanua, ka ratou vocetaka na waqa na dau voce mai na i soqosoqo e rua na Viti SUP kei na Va?a fleet, ka ra vakatomika mai na benu palasitika kei na tavaya lala ka ra ciri tu e wasawasa.

E vakamacalataka o Rev James Bhagwan na gusu ni vosa ni komiti ni sasamaki ni sa dau rairai ca dina na benu e na noda veiuciwai ka vakakina na wasawasa.

Na i matai ni ka e rawa ni vagaga na ika ka ra bula tiko e na nodra vuravura, ka kena i karua ni sa gaga na ika, e na rawa tale ni vakaleqai keda na lewe ni vanua e da la?ki via volia mai na ika vata ga o ya.

Na sasamaki e na mataka ni siga Lotulevu e na macawa sa oti e ratou veitokoni kina na baqe ni BSP, na Yacht Shop, BIC Sports, SPREP, PFD (Fiji) Ltd, Uprising Beach Resort, Bluewater Craft, Leylands kei  the Goodman Fleider kei na vale ni madrai kana vinaka na Hot Bread Kitchen.

Na i karua ni sasamaki vaka oqo e na la'ki vakayacori tiko mai na uciwai mai Navua ka yaco sara vaka ki ki Deuba e na i ka 24 ni siga ni vula ga oqo.

Ni mai cava na sasamaki e na mataka oya, era kumuna rawa na tiko rawa kina e 20 na taga  benu lelevu, ka okati kina na i olo ni kakana, na palasitika kei na tavaya lala.

Sa vakanuinui tu yani o iratou na komiti vei kemuni na lewe ni vanua, a ya me da dau maroroya na noda benu, me rawa ni savasava tiko na noda vei uciwai kei na wasawasa e na veisiga ni mataka.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.