Kerea na nomuni veitokoni VILIAME ODRO | Monday, June 19, 2017

NI SE qai siga tolu walega o Jack Newell e na dela ni vuravura oqo, e sa matau no vua na raica tiko na nodratou loma ni waqa (iota), ka ceguva tiko na cagi bulabula mai waitui me yacova mai ni sa yabaki 13 e na gauna oqo.

NI SE qai siga tolu walega o Jack Newell e na dela ni vuravura oqo, e sa matau no vua na raica tiko na nodratou loma ni waqa (iota), ka ceguva tiko na cagi bulabula mai waitui me yacova mai ni sa yabaki 13 e na gauna oqo.

Na veika e wavolita na nona bula na cauravou lailai oqo e vakavuna na nona domona na veika era bula tu e na loma ni waitui ka dua vei ira na cauravou lailai ka volavola vakadodonu ki na kabani levu ka dau bulia na nodra i yaya ni vakatatalo na gone lalai ka yacana na LEGO e vuravura.

E ratou a cavutu mai Niu Siladi na veiluveni oqo, ka ratou dau soko ki Niu Siladi ka lesu tale mai ki Viti, ia e na yabaki 2012 e sa mai cakacaka kina e na Iunivesiti ni Ceva ni Pasifika na nona turaga i tubutubu, ka ratou sa mani tiko kina e Viti me yacova na yabaki oqo.

E na nona semasemata vata na ka ni qito oqo e bulia kina e so na veika e bula e na boto ni sauloa me vaka na qari, na lase , na ika lalai ka vaka kina na qio kei na kuita, ka qai vakauta vakadodonu ki na nodratou valenivolavola na LEGO mai Amerika.

Na gauna e gole yani kina na Na i Lalakai e na nodratou waqa ka vakaruru tiko e Draunibota mai Lami, e vakaraitaka mai kina o Jack na nodratou vakavinavinakataki koya na kabani ni LEGO, ka iratou sa sauma lesu mai na nona i vola e na veika e a vakauta yani vei ratou e na mona livaliva.

E matata dina na nona talanoataka tiko na cauravou lailai oqo na nodra bula na qio e na loma ni wasawasa, ka tukuna o koya ni qio ni se yawa tu mai e sa kila rawa na pamu ni uto ni tamata ka rau veivolekati tiko.

'Kevaka e pamu vakatotolo na nona uto o koya na tamata oya, e na kila sara na qio ni rere tiko, ia, kevaka e pamu vakamalua e na kila na qio ni ko sega ni rerevaki koya.

'Dau vakaloloma sara ga vei au ni dau rawati ga na qio, musu laivi na nodra tokitokitoa, ka vakalutumi tale ki wai.

'Era sega ni kila na lai vakayagataka tiko na supu ka yacana tiko na (sharks fin soup) ni qio ka vakalutumi tale ki wai oya e sa mate sara ga vakadua ni sa sega na nona tokitokitoa,' e kaya.

Tomana o Jack, me vaka ni da donumaka tiko na yabaki ni nodra vakananumi na veika bula e na loma ni wasawasa (Pacific Year of the Ocean) se World Ocean Day, e sa mani lomana kina me vakaraitaka na nona nanuma ki na kabani levu oqo na LEGO.

Sa kerekere raraba tu yani o Jack vei kemuni na lewe ni vanua, ke rawa ni ko ni qai tokoni koya e na nomuni gole e na mona livaliva na (www.ideas.lego.com) ka toqa kina na yacana me rawa ni rawata na $10,000 ka vinakati mai vua.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.