Rara cava ga VILIAME RAVAI | Monday, August 7, 2017

KEITOU sa bolea tu na rara cava ga se na siga cava ga me keitou na sota kina kei na timi ni Namosi.

Oya na veika e vakaraitaka ko Saiasi Fuli na dauniveivakatavulici ni timi ni Suva ena vuku ni kena se bera tiko ni vakadeitaki na rara me na vakayacori kina nai ka tolu ni qito ni kena valataki na HFC Bank Farebrother Cup ena macawa qo.

Ena bolebole tiko ena macawa qo na timi ni yasana vakaturaga o Namosi ena kena bolei vei Suva na bilo cecere ni rakavi tinikalima ena noda vanua.

?Sega sara ni dua na ka levu e veisau ena neitou vakavakarau ka dua tu ga na ivakatagedegede ni neitou vakarautaka na qito kei Namosi,? e kaya o Fuli.

E kuria o Fuli ni timi ni Namosi e timi vinaka ka ni ratou mai yacova na fainala ni Skipper ena yabaki qo ka vakadrukai Suva talega ena sotasota qo.

?E vica na mavoa e tiko qo vei ira na cauravou ka sa tiko talega na veisosomitaki me rawa ni vukea na nona taqomaka o Suva na Farebrother,? e kaya o Fuli.

E kuria o Fuli ni timi ni Suva esa vakarautaka tiko me na qito ena Vakaraubuka qo ena rara na ANZ Stadium se na Ratu Cakobau Park e Nausori.

E tovolea na Nai Lalakai me veitaratara kei ratou na vakailesilesi ni timi ni Namosi ka me bau rawa ni dua na nodratou i tukutuku ena vuku ni nodratou bolebole tiko ena macawa qo vei Suva, ia e seva ni sega ni bau saumi mai na talevoni ena gauna e taqiri tiko kina. Ia, e na qaqa ni sere kei Suva ka dau lagata o Seru Serevi e ratou sa tu vakarau kina na timi ni Suva me ratou na vakayacora ena macawa qo ka vaka koto oqo na qaqa ni sere, ?Rara ni qito mo dou waraka me?u na qai sauma?.

E vakadeitaka o Fuli ke mani la?ki vakayacori sara e na Thomson Park e Navua na qito e ratou sa tu vakarau me ratou na tarovi Namosi ena macawa qo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.