Laveta rawa o Suva VILIAME RAVAI | Monday, August 7, 2017

E RATOU sa nanamaki tiko ena gauna qo na timi ni Suva ena nodratou na taqomaka ena i matai ni gauna na covi ni HFC Farebrother Cup ena sota kei Namosi. E ratou a qaqa na timi ni Koroturaga ena 24 kei 23 ena macawa sa oti ni oti na nodratou lave rara mai Lawaqa.

A tabaka nai otioti ni sikoa kei Suva ka vakavuna na nodratou mai liu kina ko Eroni Sau na wigi totolo ka a tarovi koya na kena i sa vakalevu tiko ena timi ni Nadroga ena gauna kece ni qito.

E ratou a lewe 14 voli na cauravou ni Suva ena loma ni 49 na miniti ea gauna ni qito ni oti na kena mai soli e dua na tikidua damudamu vei Samu Bola ena i ka 31 ni miniti mai vei Johnson Lee na daunivakatagisici.

Ia, ni mai cava na qito e Lawaqa ena macawa sa oti e ratou sa mai vola talega e dua na nodratou i vola ni kudru na unioni ni rakavi mai Nadroga na nodrau qito tiko ena timi ni Suva ko Kini Douglas, Eroni Tuisese kei Meli Kurisaru.

E tukuna o Pita Kedralevu na manidia ni timi ni Nadroga ni o Dougals kei Tuisese e rau qito tiko vei Naitasiri kei Kurisaru ena timi ni Nadroga.

Ia, e tarogi o Koli Sewabu na dauniveivakatavulici ni timi ni Naitasiri ka vakaraitaka ni o Tuisese kei Douglas e rau sega ni qito ena timi ni Naitasiri ena yabaki qo.

E tukuna o Saiasi Fuli na dauniveivakatavulici ni timi ni Suva ni ratou qito tiko ena nodratou dui kalavo ni rakavi ena unioni e Suva na cauravou lewe tolu qo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.