Rawa ni soko wasa ki Naova VILIAME RAVAI | Monday, August 7, 2017

E KENA i rairai tiko ni na rawa ni soko wasa ki Ovalau ena yabaki qo na i covi ni Coke Zero Deans vei ira na yabaki 18 ena nodratou qito vinaka tiko mai na timi ni St John?s College.

Ni oti na nodratou vakadrukai Nasinu Secondary School ena 20 kei 9 ena kotafainala, e ratou nuidei na cauravou ni Cawaci ni na rawa ni ratou na vakasa kaukauwa kei Queen Victoria School ka ni ratou a qito vata mai ena wasewase na Tokalau (Eastern zone).

Ia, ena tekivu ni yabaki qo a qaqa o St John?s College vei QVS ena 21 kei 8 ena i katolu ni wavoki ni sotasota ia e rau a fainala ena yabaki 17 ena yabaki sa oti ka qaqa kina o QVS ena 12 kei 6.

E ratou a qito vinaka sara tiko ena timi ni St John?s College o Gideon Colatanatawake, Ratu Matemosi Volauca kei Viliame Tivau.

E ratou sa matanisaisaitaka tale tikoga mai na timi ni Nakuruvakarua me ratou na vakaqiqica na belo ni Lodoni ena i karua ni semi fainala ni yabaki 18 ena Vakarauwai qo. Na timi ni Cuvu College e a tabaka rawa e va na sikoa ena sota ki kota fainala kei Suva Grammar School ka ratou vakaraitaka ni dodonu dina ga me ratou yacova mai na ivakategedegede ni qito ni Deans ena yabaki qo ena kaukauwa kei na totolo e tiko vei iratou. E dua e namaki ena kaukauwa e tiko vua ko Ilaisa Druasese ka a tabaka nai otioti ni sikoa nei Cuvu ena dua na ciqo takoso ka a vakayacora ena sota kei Suva Grammar.

E se bera vakadua ni bau qaqa o Cuvu ena sotasota ni Deans me tekivu mai na gauna e tekivutaki kina na sotasota qo ena 1939.  E na i karua ni semi fainala e rau na sota tiko kina o Ratu Kadavulevu School kei Cuvu College.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.