Vola qase duadua VILIAME RAVAI | Monday, August 7, 2017

NA i tukutuku me baleta na Veiyalayalati Makawa esa volai vata ena gauna makawa sara ka ra nanuma eso na kena dau, ni oti na kena kunei eso na mawe ni volavola ena vovo ni kuro qele makawa.

Na i vovo ni kuro qele oqo e laurai ni a volai na veivosa e toka kina ena 600 B.C ni se bera ni sucu na Karisito, ka nanumi ni a vola e ono na tamata ka tukuna ni i tukutuku vinaka esa robota tu na vanua o Juta ena gauna oya me vaka e a tukuna talega ko Israel Finkelstein e dua na dau vulica na i Vola Tabu ka dauvakekeli talega mai na Univeisiti e Isireli ena vanua o Tel Aviv.

E kuria o Finkelstein ni kena i raira talega ni ra veivakatavulici na vanua o Juta ena gauna oya ka ni tukuni tiko ena veika e volai ni tiko na i vurevure ni volavola ena kena vakasokomuni na veitukutuku makawa ena vuku ni Veiyalayalati Makawa.

Tukutuku ni veigauna ni Vola Tabu

Ko ira na gonevuli ni lotu era a veivosakitaka sara ena dua na gauna balavu me baleta na gauna e a tekivu volai kina na i Vola Tabu.

Me yacova mai ena dua na gauna e loma, era vakabauta na tamata ni i Vola Tabu a volai ena dua na gauna gauna e muri sara.

Na veivosa ena i Vola Tabu e tukuna na i vakalesilesi ena koro ni Tui Juta, ka a matanitu voli mai vakacaca sara ena i ka 10 ni senitiuri ni sa bera ni sucu na Karisito kina 586 B.C ni sa bera ni sucu na Karisito, ena gauna e tarai Jerusalemi kina na Tui Papiloni ko Nepukanesa ka vakacacana na valenisoro ka ra kau talega kina vakabobula na Jiu ki Papiloni.

Ka ra vakabauta kina na gonevuli ni Vola Tabu ni a volai na i Vola Tabu ena gauna e a vakacacani kina na valenisoro.

Ia, e tomana o Finkelstein ni so vei ira na kena dau ni vuli Vola Tabu ni a qai mai volai na Veiyalayalati Makawa ena dua na gauna e muri ena nodra sa gole yani na lawa vaka Kiriki kei Peresia ka sa Isireli tiko nikua.

E a laurai talega na iqi ni volavola ena dua na saqa qele ka yawa toka mai na koro levu o Juta e Jerusalemi ka nanumi ni a tekivu na volai ni Vola Tabu ena 600 na yabaki ni sa bera ni sucu na Karisito ka rawa talega ni kilai kina na levu ni tamata e rawa ni volavola ka wili vola ena gauna oya.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.