Vakadeitaka na nomu vakabauta LEKIMA LAWENITOAKULA | Monday, August 7, 2017

Aisea 2: 3 NI na lako yani mai Saioni na i vunau kei na Vosa i Jiova mai Jerusalemi.

For out of Zion shall go forth the Law and the Word of the Lord from Jerusalem.

Ki- Mizion Tetezei Tora Udivar Adonai Murushalayim.

Ni sa bula vinaka tale mai na wekaqu lomani mai na loma ni noda yasana e 14 ni noda vanua.

Au kidavaki kemuni tiko yani ena yaca ni noda turaga ko Jisu Karisito.

Ni sa bula vinaka tale mai.

Au kila ni sa vo vinaka oqo e rua na vula me laki rua kina yabaki vinaka na noqu veibulagoci tiko mai ena Nai Lalakai.

Au sa vakavinavinaka kina vua na Kalou bula ko Jiova ena vuku ni nona veivakaueti vei au me?u volavola se me?u dau cau tiko ena veimacawa ena vuku ni ulutaga qo.

ISIRELI- Mo vakadeitaka na nomu vakabauta.

Au kere veivosoti vei kemuni kece sara na dau vakamuria tiko mai na ulutaga qo nia mai lutu ena macawa sa oti.

Au kila ni se qai rua walega na Vukelulu e a lutu kina na i ulutaga oqo ena veimacawa.

Era sa bau vakila talega o ira na wekada era tiko mai vavalagi na vinaka ni ulutaga oqo ena veimacawa ena website.

Au a kerei Anare Ravula o koya e Edita tu e liu ni niusiveva qo me yalovinaka me kakua ni qai veisautaka na i ulutaga oqo, Isireli , mo vakadeitaka na nomu vakabauta, baleta ni?u kila ni ulutaga oqo e ganiti keda vakavinaka saraga na i Taukei.

Na vuni noqu tukuna na i tukutuku baleta ni?u kila ni sa dua dina na veivakasesei vakayalo levu esa lako curuma tu qo na noda vanua.

Na noda matanitu e sa sega ni vakadonuya me dua tale na mata vakabauta vou me na qai vakacurumi tale se rejisita.

Baleta ni sa voleka ni 3000 mai oqo na levu ni mata vakabauta e sa tu oqo ena noda vanua.

O keda na i Taukei, , au dau tukuna ni o keda e vakatikoga e dua na gone lailai na noda bula.

Ni soli ga vakaoqo e dua na loli vua, e taura ni dua tale e solia vua, e baci taura tale. Na levu ga ni loli e soli vua, e ciqoma tiko.

E vaka sara tikoga koya na noda bula ni vakabauta. Eda sega ni dau vakadeitaki keda tu.

Ni dua ga na i vakavuvuli vou e lako mai, o ciqoma tu, ni dua tale e lako mai, o ciqom ni dua tale na ka vou e lako mai, se baci ciqomi.

Esa qai noda cakacaka tiko na rika ike, rika ike, rika i kea, rika tale i kea.

Eda sa sega ni qai dei rawa.

E vuqa sara na vakacalaka levu e a sa yaco oti vei ira na dau veirikayaki tiko. Era veirikayaki, veirikayaki tikoga, era mate sara.

Kemuni na wekaqu mai na veiyasai Viti, e dodonu me na talevi tiko vakawasoma na vakasama bibi oqo.

Me na dau tukuni tiko, tukuni tikoga baleta me na rawa ni na dau vakayadrati keda tikoga na i taukei meda dau tudei ka vakauasivi meda na dau vakadeitaka tikoga na noda vakabautrana noda Kalou bula ko Jiova, ena vuku ni veivakasesei vakayalo esa lako curumi keda tiko oqo.

Na turaga se marama e dau yamekemeke nai vakarau ni nona vakabauta, e dau tuburi koya tikoga na yalo ni rere, ena veigauna kecega ka vakauasivi na draki ni bula e lako curuma tiko oqo na noda vanua, matanitu kei na lotu.

E dau vaka me sa dau laki tuburi keda tiko na yalo ni rere ena vuku ni so na veiveisau esa tara tiko mai oqo na noda vanua.

E tukuna tiko o Paula vei Timoci ( II Timoci 1: 7)

Ni sa sega ni solia mai vei keda na Kalou na yalo ni rere, ia na yalo ga sa solia vei keda na kaukauwa, na loloma kei na yalomatua. Emeni.

Ena qai kuri tale yani.

Vosa- vakaIperiu meda vulica:

l from her- mimena

lfrom us- mimenu

lfrom them- mihem

lfrom you-mikem

Mobile healing number:9590439/ 9204915/ 7598788.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.